Cinî zozanan de seba zimistanî amadekarî kenê 

2018-09-12 13:56:51


	 

	 

	WAN - Cinîyê ke aşma hamnanî vejîyenê zozanan bi nêzdîbîyayîşê zimistanî dir têkoşînê înan yê kede tewr zêde beno. Zînê Acara ke keda aye nîna vînayîş dîyar kena ke aye seba mîyanê xoza de cuyena zaf kêfweş a.

	 

	Mintiqaya Serhedî de çimeyê debara bi hezaran keyeyî pesûdewarkarî ya û bi ameyîşê wisarî dir  rayîrê zozanan gênê. Cinîyê ke dimayê raywanîyêke pîl şî dewe û zozanê serrê

	 

	90an de ameyê vengkerdiş, ver bi zimistanî zî prosesêke kede yê cîya dest pêkeno.

	 

	'Xozaya dewe aramî dana mi'

	 

	Cinîya bi nameyê Zînê Acara 65 serrî ke her aşma Gulane taxa Yenî Mahale yê Îpekyolê Wanî ra şina dewa Bîlîsava ya Payîzava heta peynîya aşma teşrîna verêne  uca de manena û cuya xo ya dewe qalî kena. Zînê ana ziwan ke aye qetî nêmusaya cuya bajar î û wina va: "Ez ameya nê emrî ez wexto ke şina bajar nêweş kona. Bajar de cuyayîş nêmeşyeno. Çimeyê mi pesê min ê. Seba pesî ez û mêrdeyê xo hamnanî şinê dewe. Xozaya dewe aramî dana mi."

	 

	'Serê siba heta şan de ma xebityenê'

	 

	Zînê heto bîn ra da zanayîş ke serê siba saete 04.00an de wirzenê û heta şan de xebityenê û wina va: "Serê siba ma şîyar benê, ma arayî kenê. Dima ra ma keyeyê xo pak kenê û ma şinê karê teberî. Ma saete nêzdîyê 11.00an de verê çemî de cinîyan dir pes ancenê. Ma şitê xo kenê penîr, toraq û mast. Dima ra ma peşme xo zî çem de şonê. Ma 15.00ine de reyna pes ancenê. Ma şit her tewir xebitnenê."

	 

	'Keda ma nîna vînayîş'

	 

	Zînê tewr peyîn qiseykerdişê xo de arde ziwan ke xêrcê pesî hêgayê her dewijêke esto û wina va: "Komkerdişê vaşî heta sewîyeyê bîn yê xebata keda cinîyan esta. Ma vaş patos kenê. Ma toxim kenê çuwalan. Ez bi mêrdeyê xo dir xebityena la keda cinîyan nîna vînayîş. Pêwa ke heme kar ma kenê, camêrdî vanê ma kar kerdo. Ez reyna rewşa xo ra kêfweş a. Seba ke ez mîyanê xoza de cuyena."