Bajarokê Komur bi reaksîyon o: Çi karê kesê ke ma nêweçînayo tîya esto? 

2018-09-11 10:29:33


	 

	SEMSUR - Tewr peyîn seba bajarokê Komur o ke DBP bi û qayûm ci rê ame tayînkerdiş û hemwelatîyê bajarokî reaksîyon mojnayî ra û vatî: "Ma  qetî qayûm nas nêkenê, nêwazenê. Çi karê nê kesan tîya esto. Ma înan nêweçînayo."

	 

	Semsur de dimayê ke 4 leşkerî cuya xo vinî kerdî bi îdiayê ‘endamê rêxistine yê’ 20ê Tebaxe de hemşaredarê DBPî Huseyîn Yuka ame tepiştiş û Temsîlkarê Walîyê Semsurî Adem Kaya sey qayûm tayînê vera ci kerdî. 11ê Êlule 2016an de dest bi tayînkerdişê qayûman ame kerdiş û destpêk de 28 şaredarî bî nika vejîyayo 95an.

	 

	Tewr peyîn 30ê Tebaxe de qayûm tayînê şaredarîya bajarokê Komur yê Semsurî ame kerdişç Hemwelatîyê bajarokî reaksîyon hedîse ra mojnayî ra.

	 

	 ‘Kesêke mîyanê şarî ra bi'

	 

	Dîlan Erbîla ke dewe de cuyena va hemşaredarî bi problemenê înan dir nêzdî ra eleqedar bîyê û wina va: "Hemwelatîyan zaf ci ra hes kerdêne. Şaredarê ma dewe ma ra bi. No semed ra lazimîyê tîya zaneyne. Kesêke ameyne heskerdiş bi. Zaf ameyne heskerdiş. Ma tepiştişê ey ra zaf acis bî."

	 

	'Çi karê qayûm tîya esto'

	 

	Dîlane waşte ke hemşaredarê înan serbest bêro veradayîş û va: "Ma piştdayîş nêdanê qayûm. Ma ey nas nêkenê. Ma wazenê ke kesê ke ma weçînayo şaredarîya ma de bibo. Wa edalet bi ca bîyarê û hemşaredarê ma bêro veradayîş. Şaredarê ma sucdar nîyo. Huseyîn Yuka bi hawayêke aktîf heme xebatan de ca girewt. Ma başîye ey dî. Ma xirabîyê ey nêdî. Ê qetî bêtudîştî nêkerd.