700 hezar wendakarî hepisxane de wexto newe yê perwerde pêşwazî kenê 

2018-09-11 10:19:54


	 

	Habîbe Eren

	 

	ENQERE - Goreyê daneyê Wezaretê Dade hepisxaneyan 70 hezar wendekarî hepsî estê. Parlamenterê HDPyî  Meral Daniş Beştaşe dîyar kerde ke na hûmara resana 10 hezarî û yena manaya ke no welatî de faşîzm esto. Merale va vera nê zordar û bêhuqûqî bi heme hêzê xo waran de bê.

	 

	70 hezar wendekarî 36 hezar û 33 wendekarê ke qeydê înan lîse, mektebê onlîsans û lîsansî estê. 33 hezar û 268 wendekarî zî qeydê înan bernameyê mektebe akerdê.

	 

	Parlamentera HDPyî Sêrtî Meral Daniş Beştaşe derheqê akerdişê mekteban û hûmara wendekaran hepisxaneyî şîrove kerde. Merale va no welatî de hende wendekarî tepiştê û na zî yena manaya ke no welatî de faşîzm esto û wina va: "Dewlete mîyanê tersêke pîl de ya. Faturayê îdareyê xirab û krîzê ekonomî wendekaran ra yeno birnayîş. Unîversîte xoser nîyê. YOK bi tena sereyê xo bi problem o. Wendekarê ke ez îfade kena hetê dînamîk yê wayîrê fikrê dewlemend ê, awan kenê. Mekteban de wexto ke beşdarê xebatê zanistî benê heto bîn sîstemî zî ser cigêrayîş kenê."

	 

	Merale dewamê qiseykerdişê xo de va tewr peyîn vera wendekarê Unîversîteya Bogazîçî seba ke reaksîyon mojnayî  hêrişê vera Efrînî, teda înan rê ame kerdiş û va ê bîyê şahid ke wendekarî raste rast hetê serekkomar ra hedef ameyê girewtiş û wina va: "Wexto ke serekkomar dîrek hedef bigîro hukm zî bi ca ano. Nika 10 hezar wendekarî serra newe yê perwerdeyî de hepisxaneyan de pêşwazî kenê."

	 

	'Astengkerdişê heqê perwredeyî vera destûrê bingeyîn o'

	 

	Merale arde ziwan ke wendekarê ke bi KHK ameyê tepiştiş û ‘endamîya rêxistine’ ra yenê hukmkerdiş heqê înan yê îmtîhanî zî destê înan ra ameyo girewtiş û nê caardişî vera destûrê bingehîn ê. Merale eynî wextî de da zanayîş ke goreyê Destûrê Bingeyîn heqê perwerdeyî heqê komelî yo û na çarçewe de dewlete heme heqê perwerdeyî viraznê û her kes bi hawayêke têduşt nê heqî ra feyde bigîrê û wina va: "Pêameyîşê Dinya yê Heqê Merdiman de serê heqê perwerdeyî de yeno vindernayîş û maddeyê 26 û 27an de yeno vatiş ke ganî her kes bi hawayêke têduşt perwerde ra feyde bigîro. La astengkerdişê heqê perwerdeyê hemwelatîyan, nêzdîbîyayîşêke heyfgirewtişî yo. Wextê peyîn de îqtîdar verê xo dayo ûnîversîte û wendekaran. No zî mojneno ke çiqas wendekaranê xo ra tersenê. Wendekarê ke govende kenê tersenê. Na zî yena manaya ke çîyê ke ê kenê tersenê. Ez veng da heme hêzê demokrasî ke têkoşîn bikerê û zemînê têkoşînê qetî vindî nêkerê. Ez veng dana hukmat û îqtîdarî zî ke hemwelatîyê xo ra nêtersê û înan bê boye nêverdê."