Dewaya Eylem Tîller de averşîyayîş çin o: Seba domananê xo pawit amî qetilkerdiş 

2018-09-10 13:23:00


	 

	AMED - Eylem Tîlera ke ame îdiakerdiş întîxar kerda, mêrdeyê aye Huseyîn Tîller sey gumanbarê kiştişê aye ame tepiştiş. La dewaya Eyleme de tu averşîyayîş çin o. Domanê Eyleme zî hetê dadgehe ra teslîmî apê înan ameybî kerdiş. Ame îdiakerdiş ke lajê apî înan domanan rê îstîsmaro zayendî keno.

	 

	Teşrîna Verêne serra vîyarte de Wêranşarê Rihayî de ame îdiakerdiş ke Eylem Tîllere întîxar kerda, la keyeyê Eyleme va mêrdeyê aye, aye qetil kerdo. Waya aye Emîne Aslane dîyar kerde ke domanê Eyleme zî hetê lajê apî înan ra rastê îstîsmaro zayendî ameyê û seba Eyleme waşta ke vejo meydan ameya qetilkerdiş û nika zî domanê aye hetê dadgehe ra dayê keyeyê ap î.

	 

	'Domanan dayê apê înan'

	 

	Emîneye dîyar kerde ke dewaya Eyleme hema dewam kena û qeraro nimte serê dosya û va: "Camêrdo ke Eylem qetil kerdo nika hepisxane de yo û dewa hema nêameya vînayîş. Di domanê Eyleme estê. Dabî wargeh. Ez şîne pêvînayîşê înan. Wezîfedar vatêne apê înan wazeno bigîro. Wezîfedar vatêne di hetî zî wazenê la nêeşkenê bidê di hetan. Her rey ma meşgul kerdêne. La ma serdayîşê roşanî de şî yurd û ma musayî ke domanî dayê apê înan. Lajê nê apî domanan îstîsmaro zayendî kerdib.”

	 

	'Ma bî desan rey derb kerdî la kes nêame kontrol'

	 

	Emîne da zanayîş ke seba velayetê domanan bigîrê muracatê wargehê domanan yê Riha û Amedî dayê û heme şertê waştê zî înan dir bîyê la kes seba kontrolî nêameyo keyeyê înan. Emîne wina va: "Apo ke domanan berdo verê xo, 7 domanî ci estê. Gelo eşkenê bi domanan dir eleqedar bibê. Heto bîn ra waya mi çira amî qetikerdiş. Waya mi musabî ke lajê apî domanan S.T domana aye pîl tacîz kerda û şî verê S. seba Eyleme na hedîse nêveja meydan amî qetilkerdiş. Ma bi desan rey nê ard ziwan la reyna domanan dayî apê înan. Ma wezîfeyê wargehê zî ra wina va. Înan zî ‘delîlê şima esto'. Delîlo tewr pîl waya mi a nika gor de ya."

	 

	 

	Emîna tewr peyîn qiseykerdişê xo de veng da heme avûkatan û aktîvîstê cinîyan û va wa cinî û avûkatî vengê înan bieşnawê û va ê wazenê sey şexsê wayîrê hişmend pîl bikerê.