
'Tecrîd û şîdetê serê cinîyan yewbînan ra cîya nînê fikirnayîşe' 

2018-09-10 12:29:20


	&nbsp;

	AMED - Endama PMî DBPyî Aliye Kizildamare dîyar kerde ke tecrîdê serê Rayberê PKKî Abdullah Ocalan û şîdetê serê cinîyan ke ameyo sewîyeya qirkerdişî tesaduf nîyo û va bi wedartişê tecrîdî dir do astengîyê vernîya destkewtişê cinîyan zî bêrê wedartiş.

	&nbsp;

	Endama PMî ya DBPyî &nbsp;Aliye Kizildamare bale ante serê tecrîdo giran yê Îmralî serê Rayberê PKKyî Abdullah Ocalanî yeno meşnayîş û va tecrîd wayîrê tesîrêke komelî yo û no semed ra zî ganî hîra bêro destgirewtiş.

	&nbsp;

	'Cinî xilasîyê komelî yê'

	&nbsp;

	Alîyeye da zanayîş ke tecrîd tewr zêde tesîr serê cinîyan û destkewtişê cinîyan keno û qiseykerdişê xo wina kerde derg: "Abdullah Ocalan derheqê têkoşînê azadîya cinîyan de vatişê sey 'Cinî parçeyê tewr bi tevger û dînamîk yê komelî ya' û ‘xelisnayîşê cinî xelisnayîşê komelî yo' arde ziwan. Birêz Ocalan hetê nasname û îfadeyê cinî de erjêke zaf pîl o. Wayîrê prosesêke şorişêke zîhnî yê cidî kerdê."

	&nbsp;

	'Şîdetê vera cinî tecrîd cîya nîno fikrnayîş'

	&nbsp;

	Alîye dewamê qiseykerdişê xo de arde ziwan ke cinî seserra 21ê de hema rastê şîdetê sîstematîk yenê û no êdî resayo sewîyeya qirkerdiş û wina va: “Şîdetê serê cinî tecrîd ra cîya nînê destgirewtiş. Tecrîd û şîdetê serê cinîyan tesaduf nîyo. No berardişê ke polîtîkayêke cidî yo. Şexsê cinîyan de komelêke ver bi kaosî rê berdê. Wedartişê tecrîdî do şexsê cinîyan de dînamîkê komelî bi erjê xo yê xoser dir bêrê têhet."

	&nbsp;

	'Ganî cinî vengêke xurt vejê'

	&nbsp;

	Aliye tewr peyîn qiseykerdişê xo de arde ziwan ke zîhniyetê serdest yê camêrd roj bi roje xurt beno û beno sazgeh û va: "Çim vera danê destkewtişê cinîyan û hewl danê serdestîyê xo yê xurt bikerê. Tecrîd çimeyê heme probleman o. Ganî cinî vera tecrîdî vengêke zaf xurt vejê meydan."

	&nbsp;