HESo ke Kahtaye de yeno viraştene cuya heme gandaran keno tehluke 

2018-09-10 11:52:46


	 

	SEMSÛR - Huriye Yucela ke dewa Kîlîsk ya Kahtaye de cuyena arde ziwan ke problemê awe yê HESî vera do cuya hemwelatî û heme tewir gardaran bikewa rîske.

	 

	Her çiqas ke reaksîyonî bêrî nîşandayîş zî HESo ke Çemê Kahta ser yê Havzaya Parka Neteweyî yê mîyanê Koyê Newrutî yê Semsûrî de yeno voraştene, dewam keno. Huriye Yucela ke dewa Kîlîsk ya Kahtaye de cuyena arde ziwan ke problemê awe yê Santralê Hîdroelektrîkî (HES) vera do cuya hemwelatî û heme tewir gardaran bikewa rîske.

	 

	'Problemê ekonomî da koçberkerdiş'

	 

	Huriyeye qiseykerdişê xo de daye zanayîş ke problemê ekonomîye vera mecbur mendî ke koçê Stenbolî bikerî û wina dewam kerde: “Ez tîya de ameya dinya û pîlî bîya. 20 serrî ma Stenbolî de cuyayî. Dima ra ma agêrayî. Ma rezan de xebitîyayî û henguran kerdêne dims û bastêx. Ma bi no hawa debara xo kerdêne.”

	 

	'Ma nêeşkayî vernîya HESî bigîrê'

	 

	Huriyeye dewamê qiseykerdişê xo de bale ante HESî ser û wina va: “Çend aşmî yo ke xebata viraştişê HESî vera dînamîtî yenî teqnayîş. Yeno vatiş ke do tîya bê awe bimano. Do heme ca bê awe bimano. Eke wina bibo ma do se bikerî? Ma debara xo tîya de kenî. Sewbîna alternatîfêk ma çin o. Dewmele heme cayan de HESan virazena. Ma êdî nêwazenê herra xo biteriknî. Tîya de cuye esta û ma cayê xo terk nêkenî.”