
Kulturê dewijî hetê cinîyan ra yeno pawitiş 

2018-09-09 11:41:57


	&nbsp;

	Sorgul Şêxo

	&nbsp;

	TIL TEMIR - Cinîyê Kurdî her çar parçeyê Kurdistan de hewldayîşê pawitişê kulturê xo dayê. Cinîya Kurd Îlham Silêman dîyar kena ke aye bi weykerdişê heywanê sey bizan û mêşinan hem debara xo kena, hem zî weşî de berardişê organîk awan kena, hem zî kulturê dewijî pawena.

	&nbsp;

	Cinîya bi nameyê Îlham Silêman ke dewa Dişîşayê Til Temirî ra ya û bi 6 serre yo ke heywanan wey kena û va: "Ez wexto ke berardişê organîk yê sey penîr, mast, rûn, toraq viraznena û zaf xo kêfweş hîs kena. Seba ke weşîya merdiman semedê mi girîng a."

	&nbsp;

	'Ez sey çimanê xo ewnîyena'

	&nbsp;

	Îlhame da zanayîş ke aye sey çimanê xo ewnîyena heywananê xo ra û va: "Ez feydeyêke pîl weykerdişê heywanan ra gêna. Wina ez hem kulturê dewijî dewam kena û eynî wextî de ez berardişê organîk awan kena û seba weşîya merdiman no çîyêk baş o. Eynî wextî de ez bi rotişê berardişê heywanan debara xo zî kena. Cinî heme wayîrê ked û hêzêke pîroz ê. Gerek cinî heme hewl bidê kulturê xo bipawê."

	&nbsp;

	'Kulturê dewijî bingeyê kulturê bajaran awan keno'

	&nbsp;

	Îlhame da zanayîş ke kulturê dewijî bingeyê kulturê bajaran awan keno û ganî heme kes kulturê dewijî wayîr vejîyê û wina va: "Ez wexto ke berardişê organîk yê sey penîr, mast, rûn, toraq viraznena ez zaf xo kêfweş hîs kena. Seba ke weşîya merdiman semedê mi zaf girîng a. Hem seba pawitişê xoza, hem zî pawitişê kulturê merdiman zaf girîng o. Seba ke cinî kerdoxê dîyar ê komelî ya, gerek destpêk de cinî kulturê xo rê wayîr vejîyê."

	&nbsp;