Domanê Efrînî: Ma wazenê agêrî herra xo ser 

2018-09-08 15:02:19


	 

	ŞEHBA - Domanê Kampa Xoverdayîş û Seserrî yê Şehba ke hetê dewleta tirkî û komê girêdayeyê aye ra Efrînî ra ameyî koçkerdiş vatî: “Erdogan Efrînî de xeylê embazanê ma qetil kerd. Ma wazenê Efrîn rizgar bibo û ma agêrî herra xo ser.”

	 

	Netîceyê hêrişê dewleta tirk û komê girêdayeyê aye de xeylê sîvîlî Efrînî de cuya xo vînî kerdî û bi hezaran kesî zî mecbur mendî ke herra xo ra koç bikerî. Kesê ke nê hêrişan ra tewr zêde tesîr bîyî doman î. Domanê ke hêrişan vera koç kerdî nika Kampa Xoverdayîş û Seserrî yê Şehba de manenî. Domanê Kampa Xoverdayîş û Seserrî yê Şehba dîyar kerdî ke Erdogan Efrînî de xeylê embazanê înan qetil kerdo û wazenê agêrî herra xo ser.”

	 

	Domanan ra Nisrîn Muhemed, Muhemed Dîngîlî, Şevbîn Hecî, Meryem Osman, Cûdî Bîlel, Muhemed Hemo, Denyel Bîlal û Dilyal Muhemede qiseykerdişê xo de wina vatî: “Efrînî de kêfa ma ca de bî. Ma kayan kay kerdêne û ma şîyêne mektebê xo. La badê ke dewleta tirkî hêrişê ma kerde, embazê ma ameyî qetilkerdiş. Mektebê ma ameyî rijnayîş. Ma wazenê agêrî Efrînî. Ma xeylê bêrîya bajarê xo kerdo. Xeyalê ma ameyî talankerdiş. Wa Efrîn rizgar bibo. Ma cuyêk weş wazenî. Kesê ke hêrişê Efrînî kerdî qatilê domanan î. Ganî dinya vera qatilan de bêveng nêmana.”