Seba Gulîstana ke bodrum de amî qetilkerdiş, muracatê DMMEyî ame kerdiş 

2018-09-07 11:08:04


	 

	ŞIRNEX - Xebatkara NÇMî Gulîstan Eylem Ustune Cizîr de wextê qedexeyan de bodrum de cenazeya aye pêroyî de veşabî, amîbî vînayîş. Aşmê vîyarte de bi mehneyê delîl çin ê, derheqê dosya aye de qerarê padayîşî dayî. Seba ke derheqê dosya de qerarê padayîşî ame dayîş û avûkatan dosya aye eşrawitî DMMEyî.

	 

	Qedexeyê tebervejîyayîşê kuçeyan yê Cizîre de ke 14ê Kanûna 2015an dest pêkerd û 79 rojan dewam kerd de, xeylê kesî bodruman de cuya xo vinî kerdî û dosyayê derheqê hedîse de ameyî akerdiş zî yew bi yew ameyî padayîş. Yew kesan ra ke bodrum de cenazeya aye amî vînayîş endama Merkezê Kulturê Mezopotamyayî (NÇM) Gulîstan Eylem Ustune bî. Derheqê dosya aye de bi sebebê delîl çin ê, qerarê bêtaqîbkerdişî amebi dayîş. Nê ser avûkatan muracatê Dadgeha Heqê Merdiman ê Ewropayî (DMME) dayî.

	 

	'Endama rêxistine' îlan kerdî û dosya padayî'

	 

	12ê Sibata 2016 de bodrum de cigêrayîş ame kerdiş û cenazeyê 22 kesan bi pêroyî de veşnaye ame vînayîş û mîyan de Gulîstane zî estbî. Raporê otopsî de taybetîyê emrî, zayend, bejn û kîlo yê Gulîstane nêameybî tespîtkerdiş. Seba ke cenaze pêroyî de veşa bî herinde engişte aye nêamebî girewtiş û no semed ra keyeyî dimayê aşman netîceyê nimûneyê DNAyî dayî û cenaze girewtî.

	 

	Balkêş bi ke dozgerîye qerarê bêtaqîbkerdişê daya dosyayê verê Gulîstane ci ra ameyne hukmkerdiş û cenaze de elementê antîmon zî nêame tespîtkerdiş û bi no hawa bi delîlê bê somut Gulîstane ‘endama rêxistine’ amî îlankerdiş û dosya aye amî padayîş.

	 

	'Serê cenazeyan de otopsî amî kerdiş'

	 

	Eynî wextî de serê parçeyê 6 cenazeyê veşnaye de otopsî amî kerdiş û ame dîyarkerdiş ke cenazeyî aîdî Gulîstan Eylem Ustun, Berjîn Demîrkaya, Sakîne Sîray û kesêke nasnemyê ci dîyar nîyo yê. Avûkatan îtîrazê padayîşê dosya kerdî û muracatê DMMEyî kerdî.