Dermanê Arîne esteyê aye helînayî 

2018-09-06 15:05:41


	 

	ENQERE - Arîna 13 aşmî ya ke nêweşa astimî ya de esta û bi maya xo Esma Yilmaze reyde Hepisxaneyê Tîpa Tyî yê hûmara 2. Riha de manena. Rewşa Arîne her ke şona xirab bena û dermanê ke dîyayî Arîne esteyê aye helînayî.

	 

	Arîna 13 aşmî ya ke nêweşa astimî ya de esta û bi maya xo Esma Yilmaze reyde Hepisxaneyê Tîpa Tyî yê hûmara 2. Riha de manena. Rewşa Arîne her ke şona xirab bena û dermanê ke dîyayî Arîne esteyê aye helînayî. Tewr peynî mêrdeyê Esma Yilmaze Mihdî Yilmazî 31ê tebaxe de pêvînayîşê hewte de domana xo Arîne û cinîya xo dîbî. Pîyê Arîne dîyar kerd ke rewşa domana ci her ke şona xirab bena. Dermanê Arîne hetê îdareyê zindanî ra nêameyêne dayîş û reaksîyonê rayapêroyî ra dima dermanê Arîne dîyayî aye. 

	 

	'Dermanê ke dîyayî este helînenê'

	 

	Pîyê Arîne dîyar kerd ke dermanê ke dîyayî Arîne esteyê aye helînayî û her ke pîlî bena, ganî dermanê aye bêrî bedilnayîş, dortor dîyar kerd ke eke dermanê Arîne goreyê emrê aye nêrî bedilnayîş do esteyê aye bihelî. Doktoro ke tewr peynî Arîne muayene kerdbî, dabî zanayîş ke ganî nê dermanî reyna nêrî dayîş û Arîne de destpêkê nêweşîya reflu ameya dîyiş.

	 

	'Awa pake nêdanê

	 

	Mihdî Yilmazî qiseyekrdişê xo de wina va: “Esmaye êdî dermanan nêdana Arîne. Cihazê nefesdayîşî yê Arîne kehen bîyo. Arîne şert û mercê xiraban de yena tepiştiş. Wexto ke ma şonê pêvînayîşî, boya tuvaletî vera merdin nêeşkeno nefes bigîro. Awa pak nêdanî. Gardîyanî daxî dîyar kerdî ke boye ra aciz benî. Na boye û çinbîyayîşê awe vernîya heme nêweşîyan akena.”