'Cinî her wext bi kedê destê xo rengêke cîya daya cuyayîş' 

2018-09-06 12:11:16


	 

	Dîlber Muhemed

	 

	SERÊKANIYÊ - Cinîyê Serêkanîye seba zimistanî bi hawayêke asan derbaz bikerê amadekarîyê tewirê werdî kenê û vanê: "Seba karê ma yê zimistanî asan bibo, nika ra ma amadekarî kenê. Ma sey cîran bi hawayêke hempar hetkarîyê yewbînan kenê û amadekarîyê zimistanî kenê."

	 

	Cinîyê Serêkanîye yê Kantonê Heseka Mintiqaya Cizîrî bi kulturêke komînal yenê têhet û amadekarîyê zimistanî kenê. Cinîyê ke hetkarîya yewbînan kenê vanê ke, cuyayîş bi hetkarîya yewbînan dir weş beno.

	 

	Cinîya bi nameyê Sîham Şukrî da zanayîş ke aye û cîranê aye hetkarîya yewbînan kenê û va: "Wexto ke ma heme cinî yenê têhet, ma yewbînan ra hêz gênê. Ma tewirê werdê yê zimistanî amade kenê tewr asan beno. Ma awa firingîyan amade kenê. Fêkîyan wişk kenê. Tirşik viraznenê û kenê qavanozan. Bi no hewa ma yenê têhet û hem zî ma karê xo kenê."

	 

	'Cinî her wext bi kedê destanê xo rengêke cîya danê cuyayîş'

	 

	Sîhame da zanayîş ke keda cinîyan her ca de xo dîyar kenê û wina va: "Seba karê ma yê zimistanî asan bibo nika de ma amadekarî kenê. Ma sey cîranî bi hawayêke hempar hetkarîyê yewbînan kenê û amadekarîyê zimistanî kenê. Cuyayîş bi hetkarîya pîya weş bena. No kulturê amadekarîyê zimistanî hişmendîyê cinîyan yenê. No hişmendî zî cuyayîşê merdiman asan keno. Ma zî bi amadekarîyê zimistanî hewl danê ke cuya xo asan bikerê. Cinî her wext bi kedê destê xo rengêke cîya dayê ke sey amadekarîyê zimistanî her warê cuyayîşî de çalak bê."