Polîtîkayê ke serrê 90an heta nika nêvuryayê: Şewatê daristanan 2018-09-05 15:38:48   AMED - Sere de Dersîm seranserê hamnanî Kurdistan de bi seyan hektar daristan ameyî veşnayîş. Tena dar nê, heywan û ganeyê bîn zî çinbî. No bi rapor ame weşênayîş vejîya meydan û mojna ra ke polîtîkayê 90an dewam kenê.   Cografya yê Kurdistanî bi şewatan yena çinkerdiş û pêwa reaksîyonê şarî û hetê hîsgêr şewatê Kurdistanî dewam kenê.    Dewlete qanûnan îhlal kena   Serekîya Daîreyê Yewîya Ewropayî û Têkiliyê Teberî yê Wezaretê Daristan Derûdorî 26ê Teşrîna peyên 2008an de çarçeweya Pêameyîşî RIO de, bi Projeyê Şîroveyê Kapasîteyê Mîyanneteweyî yê Tirkîya (NCSA) rê dîyar kerde ke do babeta tewirê mewsîm, heywan, nebatan de kapasîteyêke neteweyî viraznê. Verê nê de Pêameyîşê Tewirê Biyolojîk ê NY, Pêameyîşê Têkoşînê vera Çolterbîyayîşî NYî, Pêameyîşê Cartagene, Planê Çalakîya Derdorê ê Mîyanneteweyî û xeylê bîn faliyetê aver berdî û cigêrayîş meşnayî. La pêwa nê çîyan Kurdistan de bi sebebê asayîşî û operasyonan bi hezaran hektar wareyî veyşayî.   Destûr nêdanê şar bitefno   Mintiqayê ke sey ‘mintiqayê asayîşê taybet’ ameyî îlankerdiş de seba tefnayîşê şewatî, şar yeno astengkerdiş û HDP derheqê nê polîtîkayî de Temmuza 2015an de raporêke amade kerd. Rapor de seba şewatê daristan û dewê Cudî, Licê, Pasur, Akkuyu, Karakoçan Perî Golanê, analîzê Teoman Dîkerler verê çiman de yenê girewtiş.   9 hezar hektar ame çinkerdiş   Eynî raporî de pêşnûmepersê parlamenterê DTPî Hamît Geylanî yê serra 2008an zî ca gêno û Hamît pêşnûmepersî de vano heta nika Kurdistan de çend şewatê daristanan vejîyayê û çend hektar war veşa, vera ci çiqas dar ameyê ronayîş. Wezîrê Derûdorî û Daristanî Veysel Eroglu zî wina yo: "Mintiqayê Rojhelat û Başurê Rojhelatî mabêne 1990-2008an de 390 daristan veşayî, nê şewatan dir 9 hezar û 100 hektar daristan veşayî. Warê ke veşayî zî dar ci yenê ramitiş."