'Raporo ke do hewteyêke de biameyne 4 aşmî yo çin o' 

2018-09-03 13:16:56


	 

	XARPÊT - Meles Tekîna 73 serrî ke bi sebebê cezaya aye tesdîq bi tepişnayîya û nêweş a, seba bêra tahliyekerdiş bi 4 aşmî yo bendeyê raporo ke Sazgehê Tipê Edlî bido ya.

	 

	Meles Tekîna 73 serrî Mêrdîn de bi sebebê 4 serrî û 2 aşmî cezaya aye esta aşma Nîsane de amî tepiştiş. Dima ra surgunê Hepisxaneyê Xarpêtî amî kerdiş. Melese problemê weşîye cuya û seba raporê tipê Edlî sewqê Edene amî kerdiş. Nika bendeyê raporê Sazgehê Tipê Edlî ke bêra tahliyekerdiş a. La 4 aşmî yo rapor nêvejîyayo. Keye û avûkatê seba raporî îdareyê hepisxaneyî geyrenê zî tu zanayîş nêgînê.

	 

	Raporo ke proseso normal de di aşman de vejîyeno, ame zanayîş ke mudirê hepisxaneyî seba nêweşxane waştişname nuşto. Raporo ke gerek 23ê Temmuze de bieşrawitêne hepisxane, hema nêameyo û seba avûkatan zî zanayîş ‘do hewteyêke de bêro' ame dayîş.

	 

	Koxuşa ke mendine de bi dîyalîzê rê amî dayîş

	 

	Pêwa ke wext serê 23ê Temmuze ra derbaz bi zî hema rapor çin o. Meles bi hetkarîya embazanê xo lazimîyê xo yê rojane bi ca ana. Meles nêweşa qelb, sîne, tansîyon û şekir a. Keyeyî dîyar kerde ke bi taybet her wext tansîyonê Melese berz bena û hema hema her roje benê revîr. Melesa ke seba kezebe sîya nêeşkena bimeşa, koxuşe de bi diyalîzî rê girê dabî.