Nîmet Tanrikulu: Heqê ma yê ma heqîqet bizanê esto 

2018-09-03 12:42:17


	 

	STENBOL - Endama Weqfê 78an û pawitoxê heqê merdiman Nîmet Tanrikulu qedexekerdişê Warê Galatasarayî Dayikê Şemeyî rê sey 'nênaskerdişê demokrasî’ şîrove kerde û wina va: "Ma wazenê vîyarte dir bêrê rî yewbînan. Ma do qetî fek ci ra vera nêdê û heqê ma yê ma heqîqet bizanê esto."

	 

	Piştdayîşê seba têkoşînê Dayîkê Şemeyî hetê cîya dewam kenê. Pawitoxê heqê merdiman û endama Weqfê 78an Nîmet Tanrikulu derheqê babete de wina va: "Esteyê înan bin zî wazenê gorêke domanê înan estbê. Bi 23 serre yo seba nê têkoşîn bikerê. Ma sey Merdimê Şemeyî vanê ke; heqê ma yê ma heqîqet bizanê esto. Ganî ma bi merdimê vindîbîyayeyan, pawitoxê heqê merdiman û muxalefetê komelî yo ke nê heqîqetî bizanê.”

	 

	'Vindîkerdişê tepiştişan, parçeyêke şîdetê vera cinîyan o'

	 

	Nîmete arde ziwan ke Tirkîya de cinî bi hawayêke cidî rastê şîdetî yenê û her roj 5 cinî yenê qetilkerdiş û wina va: "Tepiştiş de vindîkerdiş zî parçeyêke nê şîdetî yo. Seba ke tewr zêde cinî ci ra tesîr benê. No polîtîka travmayêke pîl awan keno. Cinîyê ke mêrdeyê xo, waşteyê xo û birayê xo geyrenê, meydanan de zî eynî travma dir yenê vera yewbînan. Sey cinî nêameyê vindîkerdiş têgeyrenê. Seba nê heqê ma cinîyan esto ma heqîqet bimusê."

	 

	'Yeno manaya nênaskerdişê demokrasî'

	 

	Nîmete tewr peyîn qiseykerdişê xo de wina va: "Hukmatê Tirkîya hewl dano şar rastîyê xo nêmuso. Ma caardişê ke vera Dayîkê Şemeyî peynî bi. Dayîkê Şemeyî çalakîyêke aştîyane kenê. Tu zirara çalakî warê selahîyetdarî de çin o. La no war qedexe kerdê. Gerek berpirsîyarê vindîbîyayeyan bêrê vînayîş. Gerek warê wina komelî rê bêrê akerdiş. Ma do her wext aqûbetê merdimanê xo pers bikerê."