Nalana ke puncan ra pêkayan viraznena: Wa heme cinî xebatkar bibê 

2018-09-02 12:45:25


	 

	STENBOL - Nalan Muratbaya ke sektorê taybet de 18 serrî serê masa de xebitya nika puncan ra pêkayan viraznena û pê debara xo kena.

	 

	Nalan Muratbaya 18 serrî fîrmayêke çimeyê merdiman de xebitya, dîyar kerde ke xebata serê masa kerda û wina va: "Mi waştêne çîyêke berardiş kena bêrê vînayîş. Mi seba pêkayê xo yê bebek muracatê mîhrîcanê kuçeyê şaredarîya Beyoglu kerde û muracatê mi ame qebûlkerdiş.”

	 

	Nalane dîyar kerde ke eleqeyêke pîl vera karê aye esto û wina va: "Mi keye de her wext çîyêke viraştêne. Serrêke û nîm verê mi puncê domanê xo kerd pêkay. Bi no hewa mi dest pê kerd. Embazê mi zaf ecibnayî. Dima ra seba domanê xo waştî. Mi domananê înan rê zî viraşt. Wina vila bi. Mi bi no hewa sîparîş girewtî. Dima ra mi heqê keda xo girewt û 4 aşmî verê fek kar ra vera da."

	 

	Atolye awan kerd

	 

	Nalane da zanayîş ke aye çend mekteban de seba aktîvîteyan dersê viraştişê pêkayan dana û va senîn mekteban ra waştiş ameyê atolye awan kerdê. Nalane wina va: "Bi xêrê şîrketê organîzasyonê embaza mi, mi sîparîş sazgehêke hetkarê yê domanan girewt. Mi ey qedand cayêke bîn ame vînayîş û sîparîş ame dayîş. Cinî seba karê xo bikerê gerek tay xebatkar bê. Hêzê cinîyan esto."