
'Vera tecrîdî ganî ma xoverdayîşê cinîyan girs bikerê' 

2018-09-01 12:46:18


	&nbsp;

	AMED - Hemverfekê Delegeyan yê KCDî Zelal Bîlgîne arde ziwan ke tecrîdo giran yê serê Rayberê PKKî Abdullah Ocalanî, hêrişêke vera destkewtişê cinîyan o û va: "No semed ra ganî ma tewr zêde wayîr têkoşînê azadîya cinîyan vejîyê."

	&nbsp;

	Hemverfeka Delegeyê KCDî Zelal Bîlgîne da zanayîş ke tecrîd do netîceyê ke heme şar ci ra tesîr bibê vejê meydan û wina va: "Tecrîd vernîyê qirkerdişî akeno, polîtîkayê şer û talanê tewr xurt keno. No semed ra ma nêeşkenê tecrîd tena sey ke serê şarê Kurd yeno meşnayîş şîrove bikerê. No tesîr serê heme şarê Rojhelato Mîyanên keno."

	&nbsp;

	'Tecrîd sînorê Îmralî derbaz kerd'

	&nbsp;

	Zelale da zanayîş ke tecrîd hetê dewletan ra sey hacetê îşkence vera şaran yeno xebitnayîş û wina va: "Tecrîdo giran yê Îmralî serê heme embazê ma yê hepisxaneyî û serê şaran yeno xebitnayîş. Ewro bi seyan hepsîyê sîyasî yê nêweş rastê îhlalkerdişê heqan yenê û şîdet bi hawayêke sîstematîk yê hepisxaneyan yeno meşnayîş. Tecrîdo Îmralî vera heme şaran û hepisxaneyan yeno ferzkerdiş."

	&nbsp;

	'Wedartişê tecrîdî do xelisnayîşê şaran bo'

	&nbsp;

	Zelale arde ziwan ke wedartişê tecrîdî yê Îmralî do xelasîyê heme şaran bo û wina va: "Wedartişê tecrîdî do manaya kaosê Rojhelato Mîyanên, peynîbîyayîşê polîtîkayê şer û newe ra sererastbîyayîşê Rojhelato Mîyanên bibo."

	&nbsp;

	'Tewr zêde têkoşînê azadîya cinî'

	&nbsp;

	Zelale wina va: "Wazenê destkewteyê cinîyan peyser verdê û cinîyan bikerê binê tedayan. Ma cinî heta tecrîd wirzo ma do têkoşîn bikerê. Ma nê baş zanê. Ganî ma cinî têkoşînê azadîya xo berz bikerê. Ganî ma vera tecrîdê Îmralî vinderê. Ganî ma vera tecrîdî tewr zêde wayîr têkoşînê azadî vejîyê."

	&nbsp;

	&nbsp;