'1ê Êlule seba aştîye firsendêk o' 

2018-08-31 14:57:17


	 

	Rojda Aydin

	 

	MÊRDÎN - Endamê SES û Egîtîm Senî derheqê 1ê Êlule de qisey kerdî; "Bi serran o ke hêriş qewimyenê û şer yeno kerdiş, la reyna şarî qetî fek têkoşînê xo yê seba aştîye vera nêda."

	 

	Endama SESî Gulîzar Îpeke, arde ziwan ke 1ê Êlule 1939an de aşma 2yîn şerê pîl yê emperyalîzmî de şero tewr giran ameyo kerdiş û seba ke nê şerî de 52 mîlyon kesî ameyê qetilkerdiş, 1ê Êlule sey Roja Aştîye yê Dinya ameya pîrozkerdiş. Gulîzare, arde ziwan ke her çiqas serê qirkerdişî ra 79 serre derbaz bîyo zî hêzê emperyalîst û hegomonîk fek rijnayîşê gonî vera nêdayê û wina va: "Seba ke no hêz tesîrê xo dewam bikerê waştî komelan yewbînan ra bivisnê û bikerê dişminê yewbînan. Ma vera şerî serê herra xo de şero ke Rojhelato Mîyanên de dewam keno seba azadî veng danê. No şero ke heta roja ewro dewam kerd û hema zî dewam keno bi sebebê kiştişê mîlyonan merdiman. No şer bi sebeb ke bi mîlyon merdimî seqet bimanê û serrê herra xo ra koç bikerê."

	 

	'Şengal de bi seyan cinî ameyî remnayîş' 

	 

	Zelale zî qiseykerdişê xo de bale ante serê yew netîceyê şerê lêşin hêrişê serê Şengalî zî wina va: "Netîceyê nê şerî de Şengal de cinîyê êzîdî hetê DAÎŞî ra bazaran de ameyî rotiş û rastê tecawiz ameyî. Mayê ma seba ke esteyê domananê xo yê vindîbîyaye bivînê edalet geyrenê. Bi hezaran embazê ma yê kedkar kar ra ameyî vetiş. No zî netîceyê polîtîkayê şerî yo. Ma sey xebatkarê kedkar cîyayî yê dîn û ziwan nêkenê mabêne xo û ma do heta peyîn têkoşînê xo dewam bikerê. Ma do heta peyîn seba azadî veng bidê û fek têkoşînê xo ra vera nêdê."

	 

	'Têkoşînê mayê Şeme adetêke tarîxî yo'

	 

	Endama Egîtîm Senî Nejla Selçuke zî derheqê hêrişê vera Dayîkê Şeme ame kerdiş zî wina va: " Dayîkê Şemeyî seba aqubetê domananê xo pers bikerê û esteyê domananê xo bivînê 23 serre yo têkoşîn kenê. Têkoşînê ê dayîkan tarîx de adetêke yo û sembol o. Dayîkê Şemeyî hewteyê 700in de rastê hêrişî ameyî ke no hêriş qetî nîno qebulkerdiş. Seba ke nê dayîk î vengdayîşê edalet û aştîye kenê. No hêriş mojneno ra ke do ameyox de şer tewr zêde bibo û polîtîkayê şer dewam bikerê. Labelê do ne Dayîkê Aştîye, ne Dayîkê Şeme û ne zî do şar fek têkoşîn ra vera bido."

	 

	'Wa 1ê Êlule biba wesîleyê aştîye û azadîye'

	 

	Nejla, tewr peyîn qiseykerdişê xo de arde vîr ke bi KHKyê ke ameyî vetiş, xeylê kedkar ameyî îxrackerdiş û wina qedêna: "Ma sey xebatkar vanê ke ameyox de beno ke no reyna biqewimyo. Waştî ke embazanê ma bi vêşanî terbîye bikerê. Ma sey  xebatkar î fek xebata xo û têkoşînê xo vera nêdanê. Ma hêvî kenê ke 1ê Êlule seba doman û şaranê ma biba wesîleyê azadî û aştîye."