Babeta cinîyê Semsûrî de krîzê ekonomî û qedexeyê tutunî esto 

2018-08-30 09:23:56


	 

	SEMSÛR - Cinîyê Semsûrî çimeyê tewr sereyîn yê debara tutunî de kedêke pîl danê, seba krîzê ekonomî û îhtîmalê qedexekerdişê tutunî de endîşeyan cuyenê. Dîlek Cînîvîz yê her serre bi keyeyê xo dir yena tutun kom kenê dîyar kerde ke ê nêzanê se bikerê.

	 

	Semsur de şar vera îhtîmalo ke tutun bêro qedexekerdiş endîşeyîn ê. Dîlek Cînîvîza ke Edene de cuyena û aşmê hamnanî seba komkerdişê tutunî yena bajarokê Bulamî Çelîkhanê yê Semsurî binê germbîyayîşê roje de ser erd de ma pêşwazî kena. 

	 

	Cinîyê Bulamî aşma Adare de dest bi macerayê tutunê kenê û heta aşma teşrîna peyêne de bêmabên xebityenê. No prosesî de keyeyê ke seba sebebê cîya keçê Edene kerdê zî hamnanî yenê dewa xo û karê tutunê xo kenê. Nê cinîyan ra yew zî Dîlek Cînîvîza ke dîyar kena ke bi eleqedarbîyayîşê herre dir aye zaf rehet keno.

	 

	‘Hewldayîşê ma yê qezencî çin o’

	 

	Dîleke da zanayîş ke amancêke bazirganî seba tutunî esto la sebze tena seba lazimîyê mitbexî keyeyan yeno girewtiş û wina va: "Seba ma sebzeyê ma zaf girîng ê. Her çiqasa tutun bêro rotiş zî îsot seba lazimîyê ma yê mutbexî yo. ê ye. Hewldayîşêke ma yê sey qezencî çin o. Ma dorê erdê tutunî de îsot, balîcan û firingiyan çînenê. Ez seba hetkarîya keyeyî xo yena û ma sebzeyanê xo seba zimistanî wişk kenê. Ma kenê tirşî.”

	 

	‘Ma nêzanê se bikerê’

	 

	Dîleke da zanayîş ke krîzê ekonomî tesîrêke pîl ser vayîye toxim û dermanan kerdo û wina va: "Seba ke krîz de debare zehmet bîya. Zem yeno serê heme çî. Toxim bîyo vay. Dermanî bîyê vay. Tutunê ma destê ma de mendo. Eke tutun bêro qedexekerdiş ma nêzanê ma se bikerê."