Serpîl Kemalbay: Ma do vera rantwerdoxan tifaqê xo zêde bikerê 

2018-08-29 09:20:20


	 

	Melîke Aydin

	 

	ÎZMÎR - Parlamentera HDPyî ya Îzmîrî Serpîl Kemalbay  da zanayîş ke faturayê krîzê ekonomî şarî ra yeno birnayîş û kampîtalîzm wayîrê sermayeyî ra warê rantî akenê û wina va: "Ma eşkenê hemver polîtîkayê rantwerdoxan vindertişê tewr rast û samîmî bi ca bîyarê. Seba ma bi hawayêke xurt vernîya ci de vinderê ganî ma tifaqê xo bi dînamîkê mintiqa, rêxistinê girseyî yê demokratîk û karkeran rê zêde bikerê.”

	 

	Parlamentera HDPî ya Îzmîrî Serpîl Kemalbay bale ante serê girîngîyê dînamîkê mintiqa yê vera krîzê ekonomî wina va: "Dînamîkê mintiqa seba HDPî cayêke girîng de ca gênê. Îzmîr û Tirkîya de projeyî rastî HDP wayîrê bernameyêke verakapîtalîst ê.”

	 

	‘Çimeyê şarî şer û çekan rê ame visnayîş'

	 

	Serpîle da zanayîş ke projeyê AKPî yê destkewtişê seserre ra dima fînenê estê û bi polîtîkayê îsraf û talankerdişî nika de vindî kerdo. Serpîle wina va: "Weçînayîşê ke pey yewbînan de ameyî kerdiş rayîr vernîye îstîsmarkerdişê îmkanê dewlete kerdo. Fînansekerdişê DAIŞ û çeteyan welat verbi çinbîyayîş berdo. Çimeyê şarî bi pêameyîşê çekê Rusya û DYA û projeyê enerjîyê nuklerî yeno veşnayîş.

	 

	Pêwa ke her kes krîz hîs keno, AKP çapemenî de ewnîyayîşêke bîn awan keno. Erdogan qetî vera Amerîka nêbi. Her wext têkiliyê înan bi Israîlî dir estbi. Ganî ma sey muxalefet vera nê caardişan polîtîkayê bi bandor awan bikerê.”

	 

	‘Vanê wa çîyêk bi sermaye nêro'

	 

	Serpîle dewam de arde ziwan ke Tirkîya biba cayê adir zî vanê wa çîyêk bi sermaye nêro  û qiseykerdişê xo wina dewam kerde: "Kapîtalîzm talankerdişê xoza esas gêno û xo bi projeyê rantî yê mintiqa dayê ro. Vera çîyêke newe, berardişê yê mintiqa qedênenê. Ma zî wazenê vera nê îmkanê xo zêde bikerê. Ma eşkenê vera polîtîkayê rantwerdoxan vindertişo tewr rast û samîmî bi ca bîyarê. Seba ma bihawayêke xurt vernîye nê vinderê ganî ma tifaqê xo bi dînamîkê mintiqa, rêxistinê girseyî yê demokratîk û karkeran dir zêde bikerê.”