Husnîye Ocak: Heta heme vindîbîyaye nêrê vînayîş do têkoşînê ma dewam bikero 

2018-08-29 09:17:49


	 

	ÎZMÎR - Waya Hasan Ocakî ke amî tepiştiş, Husniye Ocak derheqê hêrişê vera çalakîyê Dayîkê Şemeyî de qisey kerde û va do peyser game nêerzê û wina va: "Wexto ke merdimî vilêke bidê serê gorê xo têkoşînê ma do o wext peynî bibo."

	 

	Hasan Ocak 21ê Adara 1995 de taxa Gazî yê Stenbolî de ame tepiştiş û 26ê Adare de hetê polîsan ra ame qetilkerdiş. Keyeyî 15ê Gulana 1995an de musa ke cenazeyê Hasanî goristanê bêkesan yê Beykozî de yo. Waya Hasan Ocakî, Husniye Ocak Acare 23 serre yo beşdarê çalakîya ÎHDî yê ‘Wa vindîbîyaye bêrê vînayîş kiştoxî bêrê muhakemekerdiş' bena. Husnîye dîyar kena ke heta vindîbîyaye nêrê vînayîş do têkoşînê înan dewam bikero.

	 

	‘Ma têkoşînê Dayîkê Plaza De Mayo dewam kenê'

	 

	Husnîye dewamê qiseykerdişê xo de da zanayîş ke bi serran verê nuştişê derheqê çalakîya dayikê Plaza De Mayo yê Arjantînî wenda û wina va: "Bi rastî wexto ke çî ameyî sereyê ma, ma fam kerd ke înan çi cuyayê. Têkoşînê înan ewro Dayikê Şemeyî meşnenê."

	 

	‘Têkoşîn vernîyê vindîbîyayê newe girewt'

	 

	Husnîye wina dewam kerde: "Netîceyê têkoşînê ma de vernîya vindîbîyayeyê newe ame girewtiş. Vindîbîyayeyî hetê dewlete ra ameyî girewtiş. Merdimî wextê vernê de cesaretê înan çinbi. Vernê de endîşeyîn bî. Vatêne gelo ma nemeyê xo vajê. Ma fotografê domananê xo bigîrê. Ma nê çîyan tepişnayîşê Hasan de serê xo ra eştbi. Bi rastî keyeyê ke ameybî tepiştiş estbî. Polîsan ma tehdîd kerdêne. Eşt serê keyeyê ma. Dewlete tersena sucê xo bida meydan. No semed ra ma fek çalakîya xo ra vera nêda. Ewro çalakîya Dayikê Şemeyî seba merdimayî zaf bi erj a."