Rastê îstîsmar ameyî dima ra zî koçberî, feqîrî û çinbiyayîş... 2018-08-28 16:20:45   WAN - Hîrê wayê ke hetê qorîcîyê dewe Tekîn G. ra rastê îstîsmar ameyî bi keyeyê xo dir seba hukmêvernî koç kerdî û mehkumê feqîrî ameyî kerdiş. Seba gumanbar Tekîn G. zî 20 aşme yo yeno hukmkerdiş de ceza nêameyo dayîş. Keyeyî zî mecburî koç kerdî û halêke xirab de yê vengdayîşê piştdayîşî huquqnasê cinî û her kesî kerdî.   Payîzava yê Wanî dewêke de qorîcîyo bi nameyê Tekîn G. hemverê 3 wayeyan îstîsmaro zayendî kerd û dima ra hedîse vejîya meydan ke keye mecbur mend koç bikero. Bi 20 aşmî yo gumanbar Tekîn G rê ceza nêameyo birnayîş. 6in dewaya roniştişê 19ê êlule de yeno vînayîş. Keyeyî piştdayîşê her kesî kerd.   20 aşmî yo dewa yena taloqkerdiş   15ê Kanûna 2016 de seba îstîmsar ame cuyayîş dewa amî akerdiş û pêwa 2 serre derbaz bi zî netîceyêke nêameyo girewtiş. STK, rêxistinê cinîyan û raya pêroyî dewa taqîb kerdêne 3 wayê û keyeyî tena verdayî. Keyeyî seba çîyê ke ameyê sereyî înan mecbur mendî keyeyê xo terk bikerê. Di domanê înan yê rastê îstîsmarî ameybî keyeyê heskerdişî de ameyî bicakerdiş. Debara keyeyî 500 TL yê domanê astengdar yeno kerdiş. Keye problemê tewr pîl yê ekonomî û manewî cuyenê.   ‘Kes piştî ma de nêvindert'   Maye dîyar kerde ke înan 20 serre verê Gever ra koçê Payîzava kerdê û va: "Mêrdeyê mi rençberî kerdêne. Keyeyêke ma estbi. Rojo ke îstîsmar vejîya meydan ez seba şînêke Gever. Mêrdeyê mi zî şibi verê pesî. Kêna mi mektebe mamoste ra vato. Ez lez ageyraya. 20 aşmî yo ma hewl danê bi dadgehe rê îstîsmar bidê famkerdiş. Seba kes paşte ma de çinbi. La kêna mi şîbî nêweşxane. Xeylê delîlê bîn estê. Çira hema yeno taloqkerdiş ma fam nêkenê."   ‘Gundiyan bi ewnîyayîşê sucdar ewnîyayne ma ra   Maye wina va: "Tekîn G. her roniştiş de qerebalix ameyne. La kesêke ma çinbi. Sey ma sucdar bê ewnîyayne ma ra. Dimayê ke no ame sereyê kêna mi, hewteyêk dima ma bi mînîbusê Tekîn G. ameyî qeza. Ez wina hêrs bîya. Ma dewlemend bî. Dewe destê înan de bî. Verê keyeyê ma de erdêke yê înan pîl bi. Dewijî înan ra tersayne. Ma ewnîyayîşê dewijan ke ma sucdar kerdêne vejîyayî. Nika tîya tu ameyoxê ma çin o.    Vengdayîşê hîsgirî   Aktîvîsta xoser ya Songul Ozunvere ke prosesê keyeyî de tena nêverda vengdayîşê hisgîrî kerde û va: "Labelê seba termê ‘namûsî’ keye mecbur mendo herra xo terk bikerê û nika hemverê feqîrî têkoşînêke pîl danê û reya diyîn yenê mexdurkerdiş. Ez veng dana zîhniyetê ke her rey vanê ‘namûs’. Eke şima hende verê namûsê xo şima doman, keye nêverdayne û terkê feqîr nêverdayne."