Wextê newe de vatî, selahîyet û qerar yê cinîyan o 

2018-08-27 09:12:22


	 

	STENBOL - Parlamentera HDPî yê Stenbolî Salîha Aydenîz, dîyar kerde ke seba cinî wextê newe de mercîyê ke vatî, selahîyet û qerarî de ca bigîrê do meclîsî de xebatan bimeşnê û va do lazimîyê xizmetê bi ziwanê maye zî berê meclîs.

	 

	Parlamentera HDPî ya Amedî Salîha Aydenîz, arde ziwan ke seba problemê cinîyan yê seba rolê komelê zayendî vejîyenê meydan wextê newe de ro meclîs de û kuçeyê ci de têkoşîn bidê û wina va: "AKP her wext teda ro cinîyan keno. Beden û ewnîyayîşê cinîyan çin yeno hesibnayîş. AKP bi serran o serê her çî de tedan keno. Dewaya tedayan zêde bîyê. Her wext tedayê serê cinîyan zêde benê. Prosesê OHALî de sazgehê cinîyan ameyî padayîş. Qezencê cinîyan çin yenê hesibnayîş."

	 

	‘Ganî xeta têkoşînî yê hempar bêra awankerdiş'

	 

	Salîhaye dewamê qiseykerdişê xo de arde ziwan ke faşîzm komelî parçe kerdo û yewbînan rê xerîb kerdê. Salîha wina va: "La problemê heme cinîyan hempar o. Ganî cinî bi hawayêke hempar têkoşîn bikerê. Ganî wextê ameyox de hem kuçe de hem zî sazgehan û hem zî meclîsan de têkoşîn pîya bêro dayîş. Gerek ma xeta têkoşînî awan bikerê. 

	 

	Vatî, selahîyet û qerar cinîyan o

	 

	Salîhaye wina tewr peyîn wina va: "Seba cinî wextê newe de merciyê selahîyat, vatiş û qerarî de ca bigîrê ganî meclîs de têkoşîn bêro dayîş, seba vurnayîşê qanûnî têkoşîn bêro dayîş. Seba cinî xo biresnê xizmetê warê selahîyeydaran ganî xebat bêrê meşnayîş. Seba cinî bi ziwanê maya xo xizmet bigîrê zî do babeta ma de bibê."