Ekonomînas Emîne: Faturaya krîzî cinîyan rê birîyaye 

2018-08-26 14:26:17


	 

	ÎZMÎR - Ekonomînas Emîne Sozudogruye qala krîzê ekonomî kerde û va: “Krîzê ekonomî netîceyê polîtîkayê şaşî yê îqtîdarî vera virazîya. Meşinê dolarê ke Katarî ra yenî zî yê DYAye yî. Faturaya krîzî cinîyan rê birîyaye. Îqtîdar cinîyan rê vano; keyeyê xo de roşêne”

	 

	Çapemenîya Tirkîya de teslîmnêkerdişê Rahîp Andrew Brunsonî ke teslîmê DYAye nêame kerdiş, sey sebebê krîzê ekonomîyî yeno nîşandayîş. Demêko derg o ke mabênê Amerîka û Tirkîya de krîzêk estbi û tewr peynî Amerîka serbest veranêdîyayîşê Rahîp Andrew Brunsonî ver, qerar girewtbî ke dewleta tirkî ceza bikero. Dima ra dolar vejîyabi 2 qatî û Amerîkaye bacê alîmîyon û pola zêde kerdbî. Dewleta tirkî zî vera Amerîka de tayê qerarî girewtî û faturaya nê krîzî şarî rê birnaye.

	 

	Babete ser o Ekonomînas Emîne Sozudogruya ke rayirberîya Partîya Demokratîke ya Şaran (HDP) ya Îzmîrî de ca gêna, qisey kerde û arde ziwan ke rojeva ke ameya awankerdiş ra hîna zêde krîzê ekonomî esta.

	 

	'Bêerjbîyayîşê TLyî dîyar bî'

	 

	Ekonomînas Emîneye destpêkê qiseykerdişê xo de wina va: “Krîzê ekonomî netîceyê polîtîkayê şaşî yê îqtîdarî vera virazîya. Menşeyê dolarê ke Katarî ra yenî zî yê DYAye yî. Faturaya krîzî cinîyan rê birîyaye. Sebebê weçînayîşê verwextî krîzê ekonomî bî û waşt ke krîzî ra ver weçînayîş biqedîyo. Weçînayîşî ra ver hetê carî de vengî xeylê zêde bî. No krîzî ra do şar tesîr bibo. Bêerjbîyayîşê TLyî dîyar bî. Wazenê ke krîzê bîyaye sey krîzêk sunî nîşan bidî. Katarî ra 15 mîlyon dolarî raste rast nînê herînayîş. Wendekarê sinifê yewin yê îktîsadî zî no zanî. Vanê, ma DYA ra dolar nêherînenî, la seba ke dolarê Katarî zî DYA ra nînê herînayîş, dolar bi meşeyê DYAye yenî Tirkîya.”

	 

	'Şar bedêlê kerdişê şima dano'

	 

	Emîneye dewamê qiseykerdişê xo de bale ante krîzê ekonomî ser û wina va: “Erjanbîyayîşê pereyê tirkî, Tirkîya keno peymeyê pazarîya ortax. 16 serrî yo ke AKP îqtîdar o û hetê îstîhdamê Tirkîya de ti çîyêk nêkerdo. Ma nêeşkenê çimêye xo yê bîyaye zî bixebitnî. Betalî zêde yo. Ma heme çîyan îthal kenî. Vîşêrê înşaatî ti çîyêk nêbeno. Şima daran birnenî û şar bedêlê kerdişê şima dano.”

	 

	'Terza berardişêk kolektîf'

	 

	Emîneye qiseykerdişê xo yê peyênan de înan arde ziwan ser: “Bi berardişêk plankerde terza berardişêk kolektîf eşkeno herinda ekonomîye de bêro xebitnayîş. Faturaya krîzî reyna cinîyan rê yena birnayîş. Îqtîdar cinîyan rê vano; keyeyê xo de roşêne.”