Doktore ra seba nêweşa ke Tirkî nêzanayne: Ti mecbura bizanê 

2018-08-24 10:23:55


	 

	ŞIRNEX - Ame îdiakerdiş ke Pispora Welidnayîşê Cinîyan ê Nêweşxaneyê Dewlete yê Şirnexî G.D seba nêweşa ke tirkî nizanayne bi vatişê ‘Senîn ti tirkî nizana, ti mecbura bizanê' heqeret kerda.

	 

	Nêweşxaneyê Dewlete yê Şirnexî ke her wext bi kêmasîyê hacetê teknîk û personel yeno rojeve, vejîya meydan ke Pispora Welidnayîşê Cinîyan G.D zî bi vatişê heqeret nêweşê ke Tirkî nêzanê kena.

	 

	Mecbura Tirkî bozana!

	 

	Cinîya ke rastê heqaretî amî û nêwaşte nameyê xo bida çîyêke cuya wina va: "Maya mi Kurdî zana. Seba ke tirkî nêzanayne mi waşt ez aye dir bikoyî zere. Senîn doktore eşnawit hêrs bî. Va ‘senîn tirkî nêzana, mecbura bizana."

	 

	Seba baş bibê şinê la rastê heqeretan yenê

	 

	Dewam de wina va: "Cinîya ke verê doktore de xebityayne Kurdî qisey kerde. La doktore aye ra zî xeberî da û oda ra vete. Vatêne hedîseyê wina yenê cuyayîş la mi reya ewil dî. Gelo hema çend cinîyan rê wina kerda. Hema zî kena. Merdim seba baş bibo şino la uca de rastê heqeretan yenê."

	 

	Ame îdiakerdiş ke doktorî nasnameyê cinîyan ewnîyenê û goreyê cayê ke cinî ro ci ameyê dinya nêweşa kenê rêze û bi taybet yê bajarê Tirkan de ameyê dinya vernê de gênê zere.