'Tirkîya de îxlalê heqan zêde bîyî' 

2018-08-23 15:58:29


	 

	COLEMÊRG - Badê ke Tîrkîya de OHAL ame îlankerdiş pelçiqnayîşê heqê merdiman û îxlalê heqan zêde bîyî. Îdarekara Komeşeya Heqê Merdiman (ÎHD) ya Geverî Seyran Aslane derheqê îxlalê ke Geverî de yenî kerdiş kerde û arde ziwan ke zindanan ra heta pêroyê rasteyê cuye, heqê merdiman yenî pelçiqnayîş.

	 

	'Tirkîya de îhlalkerdişê heqan tewr zêde bîyo'

	 

	Seyrane destpêkê qiseykerdişê xo de bale ante rewşa Tirkîya ser û wina va: “Tirkîya de peymeyê îxlalê heqan zêde bîya. Tirkîya de tewr zêde heqê cinîyan yenî pelçiqnayîş. Cinîyî heme hetê cuye de yenî astengkerdiş. Komelî de pelçiqnayîşê heqê cinîyanî beno sebebê parçebîyayîşan. Cîyayeyê mabenê merdiman zêde beno. Cinîyî sey halet û namusê camêrdan yenî dîyiş. Tena heqê cinîyan nê, heqê pêroyê komelî yeno werdiş. Prosesê OHALî de pelçiqnayîşê heqê merdiman zêde bîyî. Welatê demokratîkan de heqê merdimîye esas yeno girewtiş. Tirkîya welatê pelçiqnayîşê heqê emrdiman a.”

	 

	'Her kuçeyê Geverî de şar tedayê polîsan dir rî bi rî yo'

	 

	Seyrane tewr peynî înan arde ziwan ser: “Geverî de her roje bi hezaran heqê merdiman yenî pelçiqnayîş. Şarê Geverî badê qedexeyê tebervejîyayîşî bi îmkananê xo awanî û keyeyê xo newe ra awan kerdî. Geverî de her tewir îxlalê heqan virazîya yî û xeylê hemwelatîyî bi wesayîtanê zirxî ameyî qetilkerdiş. Na rewşe Cizîrî de zî ame cuyayîşe. Nê hedîseyî qezayê normal nîyî. Wexto ke kesêk keweno qeza bi hezarî cigêrayîşan ra derbaz beno. Seba komelêk demokratîk û aştî, lazimî bi esasgirewtişê heqê merdiman esta.”