17 rojî yo ke Dêrsim veşeno 

2018-08-22 13:10:52


	 

	 

	DÊRSIM - Şarê Dersimî ke 17 rojî yo daristanê ke veşenê bi destê xo hewl dayî ke bitefnê veng dayî û vatî: "Bajaro tarîxî, bajaro wayîrê kultur û xozayêke pîl yenê veşnayîş. Ganî heme kesî no bajarî de wayîr vejîyê."

	 

	17 roj verê seba eştişê topan û bombardumanê helîkopteran mintiqaya Alibogaya girêdayê Qezaya Xozatî yê Dersimî adir bi daristan kewt. Seba hawa zî adir her ke şino vila beno. Xeylê warê daristanî veşayî û xeylê heywanî ameyî çinkerdiş. Pêwa ke destûr nêdanê şarî, şar reyna zî hewldayîşê xo nêverdeno ke adir vila bibo.

	 

	Vera pêkewtişê adir yê her serran yeno meydan şarê Dersimî veng da û va: "Bajaro tarîxî, bajaro wayîrê kultur û xozayêke pîl yeno veşnayîş. Ganî heme kes no bajarî rê wayîr vejîyê."

	 

	Aylin Acime da zanayîş ke serê medyaya komelî de parekerdişê yê nîjadperestî derheqê Dersimî de yenê parekerdiş û reaksîyon vera nê da û va: "Bajaro tarîxî, bajaro wayîrê kultur û xozayêke pîl yeno veşnayîş. Ganî heme kes no bajarî rê wayîr vejîyê."

	 

	Vengdayîşê piştdayîşî

	 

	Nerman Ergule da zanayîş ke adiro ke Dersim de vila beno zirar dano heme çî û va: "Xeylê heywanî seba no adirî merdî. Şar ame mexdûrkerdiş. Ganî heme kes vera nê hîsgêr têbigeyrê û piştdayîş bidê Dersim."

	 

	'Berpirsîyarê no adiro ke vila beno dewlet a'

	 

	Cemile Çola zî wina va: "Berpirsiyarê no adiro ke vila beno dewlet a. No adir ancax hewa ra bêro tefnayîş la dewlete wezîfeyê xo bi ca nêana. Bi hewteyo ke mudaxaleyê adirî nîno kerdiş. Xeylê ca veşa û xeylê heywanî merdî. Berpirsiyarê nê yewî zî dewlete bi xo yo."