
'Hêz û têkoşînê cinîyê Kurdan erjîyayeyê vatişî yo' 

2018-08-22 11:31:07


	&nbsp;

	Lîlav Elî -Tolîn Muhemed&nbsp;

	&nbsp;

	ŞEHBA - Endama Dîplomasîyê TEV-DEMî yê Kantonê Şehbayî Cîhan Muhemede derheqê rolê cinîyan yê dîplomasî de da zanayîş ke mîyanê şerê ke 7 serre yo dewam keno, cinîyan seba xo bi rêxistin bikerê û şoriş bikerê kedêke pîl dayî û warê têkiliyê diplomasî de rolêke girîng kay kerdî.

	&nbsp;

	Endama Dîplomasîyê TEV-DEMî yê Kantonê Şehbayî Cîhan Muhemede derheqê rolê cinîyan yê dîplomasî de dîyar kerde ke seba Şorişê Rojawanê Kurdistanî cinîyê Kurdan destkewtişê xo pawitî û warê têkilîyê dîplomasî de bî wayîrê vatişî.

	&nbsp;

	'Mabêne 7 serran de cinî rolêke çalak kay kerd'

	&nbsp;

	Cîhane dewamê qiseykerdişê xo de wina va: "Şorişê 7 serran de cinî rolêke çalak heme warê cuyayîşî de kay kerde û seba averşîyayîş û serkewtişê pîl wayîrê kedêke pîl a û bedelê giran da. Nê xebatê girîng yew ci ra xebatê dîplomasî bî. Seba bingeyê komelêke her het ra xurt bibo û komel bieşko erjê xo yê neteweyî bipawêo ganî warê dîplomasî de serkewte bibo. Cinîyê Kurdan no het ra zî xo aver berdî."

	&nbsp;

	'Xêrê têkoşîn û têkilîyê dîplomasî yê cinîyê dinya vengê şarê Kurdî eşnawit'

	&nbsp;

	Cîhane arde ziwan ke cinîyê Kurdî bi xêrê têkoşînî warê siyasî de zî xo aver berdê û wina va: "Cinîyê Kurdî bi çalakbîyayîş û tevgerê xo ispat kerde ke aye eşkena hee het ra wayîrê vatişî bibo. Xêrê têkoşîn û têkilîyê dîplomasî yê cinîyê dinya vengê şarê Kurdî eşnawitî. Eynî wextî de seba vengê penaberan zî bi dinya bidê eşnawitiş her wext mîyanê hewldayîşêke de yê. Warê sîyasetî de zî cinîyê Kurd bî wayîrê vatiş û serê linganê xo de manenê. No zî xêrê hêzê cinîyan û têkoşînê cinîyan o. Hêz û têkoşînê cinîyê Kurdan erjîyayê vatişî yo."

	&nbsp;