
Seba viraştişê çirra tarîxî ya 6 hezar serran destûr nîno dayîş 

2018-08-18 12:40:53


	&nbsp;

	ŞIRNEX - Çirra Tîmurî ya Hezexî sehezarrê 15. de ameya viraştene û prosesê qedexeyê tebervejîyayîşî de hetê &nbsp;polîsan ra bi kepçeyan ameye texrîbkerdene. Her çend ke seba restorekerdişê çire muracatî bêrî kerdene zî qeymeqam muracatan red keno.

	&nbsp;

	Çirra Tîmurî ya Hezexî sehezarrê 15. de ameya viraştene û prosesê qedexeyê tebervejîyayîşî de hetê &nbsp;polîsan ra bi mehneya ‘xendekî estî’ bi kepçeyan ameye texrîbkerdene. Her çend ke seba restorekerdişê çire muracatî bêrî kerdene zî qeymeqam muracatan red keno. Her çend ke xendek nêrî kinitiş zî keyeyê 6 hezar serrî yê taxa Yenîmahale zî ameye rijnayene. Seba ke çirre newera bêra viraştene muracatî ameyî kerdene, la heme muracatî hetê qeymeqamî ra yenî redkerdene.

	&nbsp;

	Destûrê restorekerdişî zî nîna dayene

	&nbsp;

	Hema hema heme kerrayê çirre ameyî şiknayene û 3 serrî yo ke bi hawayo rijnaye yena vindetene. Seba çirre destûrê restorekerdişî zî nîna dayene.

	&nbsp;

	Ganî na çirra tarîxî bêra viraştene

	&nbsp;

	Goreyê îfadeyê hemwelatîyê taxe, dormeyê çirra ke hemwelatîyî wayîrê aye vejîyenî bi hezaran domanî pîlî bîyî. Awa çire binê erdî ra yena û badê rijnayîşî êdî çire ra awe nêameye. Talebê hemwelatîyan ra dima keyayê taxe bi desan rey seba restorekerdişê çire muracatan kerd, la heme muracatî ameyî redkerdene. Hemwelatîyê taxe dîyar kerdî ke ganî na çirra tarîxî bêra viraştene û heta ke nêra viraştene do israrê înan dewam bikerî.&nbsp;