Lêçûna bazarê ya sala borî 40 TL bû îsal 100 TL ye 

2018-08-17 11:47:21


	 

	Safiye Alagaş

	 

	STENBOL - Mukaddes Aslane dîyar kerde ke yê tewr zêde krîzê ekonomî bi tesîr benê cinî yê û va: "4 serre verê 10 lîra qîmê manav kerdêne. Serrêke verê zî 40 TL qîm kerdêne. Emsar 100 TL qîm nêkeno. Taybetî bi 10 rojî yo heme çî vay bîyo."

	 

	Cinîya bi nameyê Mukaddes Aslane dîyar kerde ke seba krîzî xeylê zehmetîyan ancenê û seba pîzeyê xo mird bikerê şînê bazar û va: "Eke ekonomîya welat bidayne destê cinîyan heme çî tewr baş bibayne. Gerek îdareyê dewlete û ekonomî de cinî bibê."

	 

	Mukaddese ya kebanîya keyeyî ya, tesîrê krîzê ekonomî yê serê mutbaxî şîrove kerde. Mukkadese arde ziwan ke krîz tesîr serê heme komelî kerd û wina va: "Bêguman mexdurê yewin cinî yê. Seba heme debara keyeyî cinî gênê serê xo. Camêrdî xebityenê, anê keyeyî û nêvanê no qîmê çi keno? Tena vanê çin o? Ma cinî zî heta şan de fikiryenê ke kêm bikerê.”

	 

	'Ma tena pîzeyê xo pirr bikerê'

	 

	Mukaddese arde ziwan ke çend serre verê kêm bibo zî şîyayeyê xo vetêne û ewro zî cesaret nêkenê şêrê manav û wina va: "Ma şêrê zî nêeşkenê çîyêk bigîrê. Ma deste veng ageyrenê. Ma ewro bi zor roja xo xelas kenê. Hîn keyeyî nêeşkenê pîyanz û kartolan zî bigîrê. Hîn keyeyî mecburî di, hîrê kîlo gênê. 4 serre verê 10 TL qîmê manav kerdêne. Serrêke verê zî 40 TL qîm kerdêne. Emsar zî 100 qîm nêkeno. Ma tena bi zor pîzeyê xo pirr kerdêne."

	 

	'Domanî zî tesîr benê'

	 

	Mukaddese da zanayîş ke ê nêeşkenê domanan dir zî çîyêke ê nêeşkenê domanan rê çîyêke bigîrê û wina va: "Ma nêeşkenê domanan dir zî çîyêke bigîrê. Mektebî abenê. Ma vanê ma şîyayeyê înan bigîrê. Domanê ma zî êdî sey pîlan bifikrîyê ke şîyaye senîn peyda bikerê. Ma nêwazenê domanê ma mexdur bibê. Ma wazenê cuyake bi kalîte û ameyoxê weş seba domananê xo awan bikerê. Domanê ma zî bazar de hesabê ‘vayo ya erjan o' kenê."

	 

	'Ganî îdare de cinî ca bigîrê'

	 

	Mukaddese peynîya qiseykerdişê xo de dîyar kerde ke eke ekonomîya welat bidayne destê cinîyan do her çî weştir bibayne û ganî îdareyê dewlete û ekonomî de cinî bibê.