Cinîyê Til Temirî amadekarîyê zimistanî kenê 

2018-08-16 12:23:38


	 

	Ronîda Hacî 

	 

	TIL TEMIR – Cinîyê bajarê Til Temirî Kantonê Hesekî de amadekarîyê zimistanî kenê û vanê ke: "Cinîya awankerdoxe çinbo awan kena."

	 

	Maya bi nameyê Cemîla Mihemed (62) ke amadeyîya lazimîyê zimistanî kena û domananê xo rê Reçelê încîran viraznena û vana: "Ez her serre seba zimistanî reçel domananê xo rê viraznena. Seba ke ê hazirî rê hem erjan û hem zî weşî rê tewr baş o. Eynî wextî de ez tena reçel nê ez mekdûs û Penîr zî viraznena."

	 

	Cemîlaye dîyar kerde ke werdê bi keda destan yenê viraştiş tewr weş ê û no semed ra ê heme lazimîyê xo yê zimistanî malzemeyê înan gênê û bi destê xo viraznenê û wedarnenê.

	 

	Cinîya bi nameyê Bêrîvan Ismaîl (28) ke aye zî balîcanan û bamîyan amade kena wina vana: "Baxçeyê ma esto, ma rojane bahçe ra lazimîyê sey balîcan, firingî, bamiye û Îsotan çînenê û ma seba zimistanî amadeyî kenê."

	 

	Bêrîvane tewr peyîn qiseykerdişê xo de wina va: "Balîcanê sîya kom kena û wişk kena. Heto bîn ra bamîyan kena dare ra û wişk kena. Zimistanî nê sebzeyî çin ê û eke bibê zî zaf vayê û tebîî nîyê. No semed ra ma nika amade kenê ke zimistanî de verê ma de peyda bibo û seba xo bikerê werd."

	 

	Bêrîvane tewr peyîn qiseykerdişê xo de wina va: "Ez bawer a her cinîyêke seba zimistanî amadekarîya xo kena. Seba ke cinî awankerdoxê û çinbîyayîş ra anê meydan."

	 

	Cinîyê lazimîyê zimistanî amade kenê seba ke bi kêfweşî zimistanê  xo pêşwazî bikerê.