Derzîna şaş bîye sebebê vînîkerdişê dokuyan

2018-08-15 12:08:17


	 

	ÎZMÎR - Sevgî Çalişkane seba dejê platîn yê çaqeyê aye de şî nêweşxane û seba dermankerdişê şaş çaqe ame dîyarkerdiş ke çaqê aye de vindîbîyayîşê dokuyêke virazya yo û dima ra seba ke muracatê aye rê cewabê negatîf dayê, na rey muracatê ÎHD kerde.

	 

	Sevgî Çalişkane dîyar kerde ke seba dejê platîn yê çaqeyê aye şîya nêweşxane û seba derzîna dejî yê berdîşî dayê çaqeyê aye ro la vindîbîyayîşêke dokuyan çaqeyê aye de virazyayo. Sevgîye na rey muracatê ÎHDyê Îzmîrî da û dîyar kerde ke aye şîya Beşê Lezgînî yê Nêweşxaneyê Cêgirayîş û Perwerdeyê Katîp Çelebî yê Îzmîrî û va dozgerîye nêweşxaneyî bi qusur nêvînayo û nêweşxane pawit o.

	 

	Sevgîye wina va: "Roja bîn ez seba dejî şîya nêweşxaneyêke bîn. Vatî dermanan hema tesîrê xo nêdayê. Şewa bîn reyna ez şîya. Vatî derman nêbeno û serum dayî mi ro û ez eşrawita keye. Roja bîn reyna şîya û vatî ‘ti qelew a derman nêgîna' la şewatê çaqeyê mi zêde bi. Dima ra ez şîya Nêweşxaneyê Dewlete ya Bozkaya.  Doktoran uca de bi ultrasyon ewnîyayî çaqeyê mi û vatî demar teqyayê û no semed ra çerm wişk bîyo. 9ê Adare ra dima ez beşa enfeksyonî yê nêweşxaneyî de 10 rojan rakewta. 26ê Adare de cerahîyê plastikî de birînê mi ke abibî parçeyêke çaqeyê mi ra ame girewtiş."

	 

	'Ez heta peyîn heqê xo bigeyrî'

	 

	Sevgîya ke dermankerdişê aye Nêweşxaneyê Dewlete ya Bozyaka dewam kena wina va: "19ê Sibate de doktorê nobedar yê nêweşxane kam bi o/a berpirsîyaro/a. Va şekirê to esto, la şekirêke berz yê nêverdeno derman bêro xebitnayîş çin o. Kontrolê mi ameybî kerdiş. Mi muracatê dozgerî kerd la cewabê negatîf ame dayîş. Mi zî muracatê ÎHDî da. Ez do heta peynî heqê xo bigeyrî."