Gul Kaval: No çîyêke nîyo krîzo esas rayîr de yo 

2018-08-15 10:58:46


	 

	AMED - Muşavîra ekonomîye Gul Kavale zêdebîyayîşê dolarî şîrove kerde û va: "Tirkîya bendeyê krîzê giranî ya. Hema no çîyêke nîyo esas krîz rayîr de yo."

	 

	Mabêne Tirkîye û DYAyî de tepiştişê Rahîp Andrew Brunson û qerarê ekonomî yê îdareyê Washîngtonî gorewtê, rojeve de cayê xo girewtê û vindîkerdişê TL yê vera Dolar zî dewam keno. Muşavîra ekonomî Gul Kavale derheqê krîzê ekonomî ke yeno cuyayîş de wina va: "No hema çîyêk nîyo.Tirkîya bendeyê krîzê pîl a."

	 

	'Problemêke tena bi DYA dir nêeşkeno bêro şîrovekerdiş'

	 

	Gule dîyar kerde ke ganî zêdebîyayîşê Dolar bi DYA û hedîseyê Rahîp Brunson tena nêrê girêdayîş û wina va: "Merdimî zêdebîyayîşê dolar û problemê ekonomî nêeşkenê bi DYA rê girêbido. No şaş o. Rast nîyo. Ganî merdim bi problemê teber yê Tirkîya ke her ke şino xirab beno girê bido.”

	 

	'Netîceyê krîzî do giran bê'

	 

	Gule tewr peyîn qiseykerdişê bale ante serê problemê ekonomî û va eynî wextî de krîzê deynî yo û wina va: “Ma welatêke goşt ra bigî heta nihan, bilxur ra bigî heta birinc ke bi dovîz yenê îthalkerdiş cuyenê. Do krîz dir xeylê kargeh bêrê padayîş. Do xeylê karker kar ra bêrê vetiş. Şaro ke feqîr bi do tewr feqîr bê. Nê şertan de do deynî nêeşkê bêrê dayîş. Na rewşe heme do rayîr ver nêweşîyê meslekî, întîxaran abikero. Netîceyê krîzî do giran bê.”