Emîna Omer: Amanc çareserkerdişê qîrêzê Sûrîye yo! 

2018-08-14 13:08:35


	 

	Stêrvan Bêrîtan

	 

	QAMIŞLO - Hemsereka Meclîsê Sûrîyeya Demokratîke Emîna Omere dîyar kerde ke amancê ma yê sereyîn o yo ke ma problemê sûrîye bi ewnîyayîşêke hembeş çareser bikerê.

	 

	Hemsereka Meclîsê sûrîyeya Demokratîk(MSD) Amîna Omere serê rewşa sîyasî yê peynî mîkrofonê ma rê qisey kerde û serê averşîyayîşê peyîn yê Sûrîya de şîroveyê girîng kerdî. Amîne wina va: "Nê di pêvînayîşî mabêne MSD û Rêjîmê Sûrîye de virazyênê pêvînayîşê yewin serê awankerdişê qomîteyan de seba pêvînayîş dewam bikerê ame viraştiş û pêvînayîşê diyîn ke 8ê aşme de virazya zî komîte ameyî awankerdiş. Hewt kesî MSD ra û hewt zî rêjîmê Sûrîye de Şam de kom bî."

	 

	Amanc ewnîyayîşêke hembeş ro mabêne heran de munaqeşekerdiş o!

	 

	Emîna, bale ante ser amancê munaqaşan û wina va: "Babeta sereyîn nê pêvînayîşan o yo ke MSD û Rêjîmê Sûrîya biresê ewnîyayîşêke hembeş serê çareserkerdişê qirîzê sûrîya û rayîrêke newe goreyê Sûrîya ke demokratîke bidê awankerdiş a."

	 

	'Şerê idlib do peynîya çetan bîyaro'

	 

	Emîna dergkerdişê qiseykerdişê xo de bale ante serê şerê Idilbî û wina va: “Şerê idlibî do peynîya çetan bîyaro. Seba ke merkezo tewr zêde çete tede yê Idlib o. Eke Rûsya, Tirkîya û Îran pêmaeyîş bikerê do wextê ke kilm de Idlib destê cebehetul- Nûsra ra biro xelisnayîş. La nika ma vînenê şer milê Başûr ra Idlib ra dest pêkerdo, Îran vindertişê xo dîyar kerd û wazeno şer dest pêbikero. La Tirkîya seba ke bi problemê xo yê zereyîn dir menda û rewşa aye ya ekonomî xirab a beno ke nêwazena şer Idlib dest pêbikero. Rûsya îmkan daya Tirkîya seba ke çareserîyêke Idlib de virazna."

	 

	'MSD amadeyo ke krîzê Sûrîya çareser bikero'

	  

	Emînaye tewr peyîn qiseykerdişê xo de wina va: "Seba ke Hêzê Sûrîyeya Demokratîke (QSD) hema tu qerar nêdaya ke gelo cayê xo şerê Idlib de bigîra ya nê. Pêroyî de seba rewşa Sûrîyaya ke bi diyalogê mabêne heme hetê sîyasî de bêrê munaqeşekerdiş û çareserîyêke seba Sûrîya bêra vînayîş ma amade yê."