Bajaro ke tarîx û wext nika ano têhet: Xelfetî 

2018-08-13 13:34:33


	 

	RIHA - Xelfetîya ke herra bi heybet yê Mezopotamyayî rê xeylê efsaneyan rê keyeyî kerda, ê kan ke binê awe de ameya verdiş û ê newe ke tarîx û nika anê têhet bendeyê keşifkerdişî ya. 

	 

	Xelfetî ke verê zayîşî serê 500î de ameya awankerdiş, Asurîyan heta nika xeylê şaristanî ro bi ca bîyê. Bajaro ke Yunanan nameyê Urîma, Osmantan zî ‘Urumgala’ dayê pa, 1954an de Xelfetî sey ‘Rumkale’ ameya vîrardiş. Ewil qezayêke girêdayê Dîlokî bî û dimara bi Riha dir ameya girêdayîş. 2000î de barajê Ataturk ke tesîr serê bajarê Riha, Dîlok û Semsurî kerd, beşêk pîl yê Xelfetî binê awa Firatî de verda û nika sey Xelfetîya Newe û Kan bîya di beş.

	 

	Binê awe de amî verdayîş

	  

	Verê weşikbîyayîşê Xelfetî de, merdim xozaya aye tarîxî û ekolojîk zî vîneno. Her hetê aye darê fistikan estê û boya a daran her ca de vila bena. Dimayê ke barajê Bîrecîkî serra 2001 ser çemê Firatî de amebi awankerdiş kewt dewre, her çiqas Bajarê Antîk yê Zeugma, zaf warê tarîxî sey Xelfetî zî çinkerdî û nêzdîyê 50 hezar kes cayê xo ra bî.

	 

	Bajarê Efsaneyan

	 

	Ma îskelê de bi keştî verê xo danê Keleya Rûman la ma musenê ke serdayîşan rê padayê. Keleya Rûman yew cayê ke ewil kes tede cuyayê. Keleya Rûman efsaneyan rê zî bîya babete û boya sosinan ra bigîre heta lajê  qral û heta heriknayîşê awe her çî sey efsane yo.

	 

	Bendeyê ke no tarîx rê wayîr bêro vetiş

	 

	Bajarê Xelfetî ya tarîxî ke xeylê şaristanîyan rê wayîrê kerda, yanî Xelfetiya Kan û ya Newe, herra ke tarîx û wexto nika arda têhet, nika zî bendeyê weyîrvejîyayîşî ya.