Krîzê ekonomî çim vereda keda cinîyan 

2018-08-11 11:36:53


	 

	RIHA - Cinîyê bazarê Şîre yê Bîrecîkî de xebityenê, seba krizê ekonomî yeno cuyayîş berardişê înan nînê rotiş. Zelîha Încedage dîyar kerde ke ê pereyê ke heq kenê bi dest nêkenê.

	 

	Qezaya Bîrecîk yê Riha de bazarê Şîre yê ke 18 kargeh bi pêroyî de cinîyan rê ameyê tahsîskerdiş, seba krîzê ekonomî hûmara kargehan vejîya 6an. Bazarê Şîre yê ke yeno manayê berardişê engure û awa fêkiyê bîn, tewirê sebze û pastirmayan zî yenê rotiş. Nebatan ra bigirî heta sebzeyê wişk û werdê bîn yê mintiqa bazar de cayê xo gênê.

	 

	Zelîha Încedaga ke balîcan, îsot, firingî û kuyan zereyê înan vejena û verê tijî de wişk kena, dima ra ana bazar, dîyar kerde ke emsar seba krîzê ekonomî kes çîyêk nêgîno.

	 

	'Ma nêeşkenê heqê kede xo bigîrê'

	 

	Zelîha arde ziwan ke berardişê înan bi pêroyî organîk ê û wina va: “Bi di serre yo kes nêeşkeno çîyêk bigîro. Verê xo danê berardişê erjanan. Seba krîzî kes nîno dikan. Ma zî nêeşkenê heqê karkeran bidê. Serê siba saet 06.00 de dest bi kar kena û heta 21.00 xebityena. Ma hende kede danê la ma heqê xo nêgînê."

	 

	'Ez xo rê nêeşkena wext verdê'

	 

	Zelîhaye bale ante serê zor û zehmetîyê kar û va ê nêeşkenê xo rê wext verdê û va seba ke şîreyê hinare biresnê verê destê şarî 4-5 rojan kede danê. Zelîha wina va: "Tewr zêde turîst dayîş û girewtiş kenê. Ma berardişan nêeşkenê biroşê şarê mintiqa. Seba ke her kes keyeyê xo de virazneno. Ma hîrê aşmî xebityenê û heme pereyê xo wina bidest kenê. Ez bi 5 cinî û mêrdeyê xo dir nika kargeh de xebityena. Problemê mi weşî estê. Vindertişê ma çin o. Sîgorteya ma çin a. Ez veng dana cinîyê Riha û vana kede girîng a. Pêwa heme zehmetîyan ez veng dana cinîyan beşdarê karê cuyayîşî bibî."

	 

	
		https://www.youtube.com/watch?v=RsOJjFAtoGA