Leyla: Ez qetî peyser game nêerzena 

2018-08-11 11:03:27


	 

	Zehra Dogan

	 

	AMED - Vilakerdoxa rojnameyî Leyla Yildiza ke bi nasnameyê Waya Rojbaş ê Amedî zî yena naskerdiş wina va: "Ez tepişnayî ya la embazê mi teber de rojnameyan resnenê şarî. Ez qetî peyser game nêerzena. Beno ke bedenê ma ameyo tepistiş la fikrê ma qetî nînê tepiştiş."

	 

	Tarîxê çapemenîya kurdan de yê tewr zêde kede danê vilakerdoxê rojnameyan ê. Vilakerdoxa rojnameyî Leyla Yildize derheqê tepiştiş û caardişê wextê xebate de ke cuyayê qisey kerde.

	 

	Leyla da zanayîş ke dimayê emrêke ra dima sey her ciwanêke kurd rewşa xo verê çiman de derbaz kerda û wina va: "Nê mi ver bi heqîqet rê berd. Ez çapemenîya azad de xebityaya û şarî girîngîyêke pîl dayne ma. Dimayê wextêke mi tax heme nas kerdêne û ez bîne meymane înan. Seba ke ma seba înan karê ke girîng kerdêne. Ma rastî resnayne verê destê înan."

	 

	'Her siba bi vilan ameyne pêşwazîkerdiş'

	 

	Leylaye da zanayîş ke şarî eleqeyêke pîl mojnayo înan û wina va: "Aboneyêke mi estbi. 17 serre bi û bibê abone. Her serê siba mi bi vilan pêşwazî kerdêne. Mi zî rojname dayne. Çay dayne mi. Çimê ey nêvînayne. Gama ke ez nêşîne meraq kerdêne. Wexto ke ma rojname erey berdêne ma rexne kerdêne. Şar bi girewtişê rojnameyê xo têkoşîn dayne."

	 

	'Ez tepişnayîya la hema war de ya'

	 

	Leylaye dewamê qiseykerdişê xo de da zanayîş ke aye kuçeyê Amedî yew bi yew zana û wina va: "Ez tepişnayeya la tebera bi desan embazê mi rojname resnenê şarî. No het ra zerrîya mi rehet a. Mi serê sibayan bi bîsîkleta xo bi vatişê Roj Baş rojname vila kerdêne. No semer ra domanan nameyê mi kerdibî waya Rojbaş. 3 serre, aşmêk û 15 roj cezaya mi amî tesdîqkerdiş. 11ê êlule de reyna roniştişê mi esto. Ez qetî peyser game nêerzena."