Vîrardişê 10 Teşrîna Verêne: Do têkoşînê ma yê Edaletî dewam bikero 

2018-08-10 14:37:36


	 

	ENQERE - Avûkat Sevînç Hocaogullari, vîrardişê qirkerdişê Garê Enqerî de qisey kerde û va: "Na dewa, dewaya hesab perskerdişî ya. Heta ma hesabê şer, qirkerdişî û gonî îqtîdarî ra pers bikerê, ma do waran û salonê roniştişî de têkoşînê edaletî dewam bikerê."

	 

	Kesê Qirkerdişê Enqerî yê 10ê Teşrîna Verêne 2015an de cuya xo vinî kerdî, verê Garî de aşma 34ine yê qirkerdişî de ameyî vîrardiş. Komeleyê Aştî û Piştdayîşê 10ê Teşrîna Verêne (10 Ekîm-Der) her 10 aşme de vîrardiş kenê. Merdimê kesê cuya xo vinî kerdî, merdimê birîndaran, Înîsiyastîfê Keyeyê Pirsûsî û temsîlkarê sendîkayan beşdarê vîrardişî bî.

	 

	'Ma do têkoşînê xo yê edaletî dewam bikerê'

	 

	Hemserekê Komeleyî Îhsan Saylan, vîrardiş de qisey kerd û wina va: "Verê 34 aşman 103 embazê xo vinî kerdî û nêzdîyê 400 embazê ma zî birîndar bî. Ma pişt dewayê embazanê xo yê. Ma do têkoşînê înan dewam bikerê."

	 

	'Qirkerdiş nêame roşnkerdiş'

	 

	Avûkat Sevîn Hocaogullari dima ra qisey kerd û dîyar kerd ke her çiqas dewa peynî bî zî qirkerdiş nêameyo roşnkerdiş. Sevîne da zanayîş ke ê do hesabê qirkerdişî her wext pers bikerê û wina va: "Seba heme berpirsyarê qirkerdişî bêrê hukmkerdiş û vera edaletî hesap bidê ma do têkoşînê xo dewam bikerê. Na dewa, dewaya hesab perskerdişî ya. Heta ma hesabê şer, qirkerdiş û gonî îqtîdar ra pers bikerê ma do waran û salonê roniştişî têkoşînê edaletî dewam bikerê."