Bodrum de esnafê qijî yenê çinkerdiş 

2018-08-09 14:58:47


	 

	Melîke Aydin

	 

	MUGLA - Resam Ayfer Çokmene dîyar kerde ke seba otelê ke heme çî tede estê, AVM û ferasetê turîzmê newe, taybetîyê Bodrumî nînê vînayîş û seba polîtîkayê dewlete esnafê qij bi çinbîyayîşî dir rî bi rî yê.

	 

	Qezaya Bodrumî yê Mugla ke yew cayê tewr zêde bala turîstan anceno, cuyayîş tena bi otelan mimkin o. Bi seyan kesê tîya bi keda xo wazenê debara xo bikerê estê û yew warê karî zî rotişê berardişê keda destan a. La esnafê qijî seba polîtîkayê bîyaye nika ver bi çinbîyayîş yê.

	 

	Ayfer Çokmene ke bi 4 serre yo resmê xo bi teknîkê boyaxê awe û boyaxê runî viraznena û roşena, dîyar kena ke seba polîtîkayê îdareyê mintiqa otelê ke her çî tede estê û polîtîkayê turîzmî esnafê qijî ver çinbîyayîşî de yê.

	 

	'Kulturê çinkerdişê kede bêerj keno'

	 

	Ayfer Çokmena ke atolya xo û Merkezê Perwerdeyê Şarî qursê resiman dana, dêreyê merkezê.Bodrumî de hamnanî tabloyê xo roşena. Ayfera ke dimayê Fakulteya Hunerê Weşik ê Mugla qedêna dima, qerar da Bodrum de bicuyo. Ayfer da zanayîş ke Bodrum sey tebera eyseno nîyo û cuyake rehet nêdano merdiman. Ayfere arde ziwan ke erjê seba kede yenê dayîş zaf kêm o û va tabloyê aye sey tabloyê çapkerdişê dijîtal vînenê û netîceyê kulturê çinkerdişî de erjê seba huner û merdiman yenê dayîş vindî kerdê.

	 

	'Esnafê qij çin benê'

	 

	Ayfere dewam de da zanayîş ke îdareyê mintiqa piştdayîş nêdanê kargerîyê butîk û wina va: "Zafê berardişê marka pêameyîşan gênê. Pêameyîşî vernî de yenê kerdiş. Cayê mendişê turîstan bigîrê heta mexazeyê ke şinê ê qerar danê. Qet nînê nê cayan..Yê ke yenê zî bi lokasyonan yenê gernayîş. Merkezê bajarî de turîstî çin ê. Eşrawenê AVMyan. Nê zî esnafê qij çin kenê."