Beşo lezgînî yê Nêweşxaneyê Dewlete yê Cizîrî di aşmî yo padeye yo 

2018-08-09 13:53:52


	 

	ŞIRNEX - Nêweşxaneyê Cizîrî yê Dewlete ke her wext bi îhlalkerdişê heqan yeno rojeve na rey zî seba dermankerdişî hacetê lazimî ci de çin ê. Ame dîyar kerdiş ke beşo lezgînî yê nêweşxaneyî bi di aşmî yo bi sebebê tadîlatî ameyo padayîş û seba xebitnayîşê nêweşxaneyan zî tena lavaboyêke akerde yo.

	 

	Nêweşxaneyê Dewlete yê Cizîrî seba xizmetê ke şarî rê nêkeno her wext rojeve de yo. Verê zî seba doktorî welîdnayîşê cinîyan nêweşxaneyî çinbi cinîya bi nameyê Feyruz Pulate bi pitike xo ya 8 aşmî ya ke pîzeyê maya xo de cuya xo vinî kerde. Heto bîn ra Arafat Çaglar ke bi nêweşîya kuduzî kewt zî goreyê îdiyan nêweşxane nêameyo dermakerdiş û cuya xo vinî kerd.

	 

	Seba dermankerdişî hacetî çin ê

	 

	Nêweşxaneyê ke bi merdişê netîceyê îhlalkerdişan yeno cuyayîş, yeno rojeve, pêwa gerrekerdişê şar bi di serre rewşa xo paweno. Qezaya ke wayîrê 120 hezar nufûsé ya, dimayê merdişî Feyruze pisporê welidnayîşî eşrawitê nêweşxaneyî. Narey zî vejîya meydan ke seba dermankerdişî nêweşxaneyan hacetî çin ê. Pêwa ke bi desan rey ard ziwan problemêke nîno çareserkerdiş û zafê reyan eşrawenê nêweşxaneyê bîn.

	 

	Problem nîno çareserkerdiş

	 

	Ame zanayîş ke bi taybetî polîkîlînîkê çim, cinî û welidnayîşî de û heto bîn ra beşo lezgînî de problem yenê cuyayîş, kesê wazenê randevu zî bigîrê rastê cewabê ‘Heme doktorî pirr ê, dor çin o' yenê. Yê bê randevu zî şinê nêweşxaneyî rastê vatişê ‘bê randevu ma fîş nêdanê' yenê.

	 

	Beşo lezgîn de tadîlat esto

	 

	Beşo lezginî yê nêweşxane zî bi sebebê tadîlat esto bi di aşmî yo padaye yo. Verê nê skandalî nêweşxane bi nê zî sînor nîyo. Nêweşxaneyo ke 4 kar û xeylê beşê ci estê tena lavaboyêke ci esto.