MSD: Kesê ke xo bi krîzê Sûrîye miqate kenî estî 

2018-08-06 15:16:27


	 

	 

	QAMIŞLO - Meclîsa Surîye ya Demokratîke (MSD) ke girêdayeyê Hêzê Sûrîyeya Demokratîke (HSD) yo û xeylê hetê Vakurê Sûrîye bin kontrolê ci de yo, seba muzakereya Şamî û çinbîyayîşê şîdetî 26ê Temmuze de pêvînayîş pê ard. Pêvînayîş bi waştişê îdareya Şamî pê ame. o Endama Rayirberîya Meclîsa Surîye ya Demokratîke (MSD) Derya Hanaye dîyar kerde ke pêvînayîş bi hawayo pozîtîf derbaz bîyo û mîyanê talebanê yewin de şinasnayîşê xoserîya demokratîke esto û kesê ke xo pêrodayîşê rejîmê Sûrîye ra miqate kenî estî.

	 

	Meclîsa Surîye ya Demokratîke (MSD) ke girêdayeyê Hêzê Sûrîyeya Demokratîke (HSD) yo û xeylê hetê Vakurê Sûrîye bin kontrolê ci de yo, seba muzakereya Şamî û çinbîyayîşê şîdetî 26ê Temmuze de pêvînayîş pê ard. Pêvînayîş bi waştişê rayirberîya Şamî pê ame. MSD pêvînayîşî ra dima îzehetêk da û dîyar kerd ke mabenê her di hetan de do muzakere û dîyalog bêrî averberdiş û her ca de komîte bêrî awankerdiş. 

	 

	Babete ser o Endama Rayirberîya Meclîsa Surîye ya Demokratîke (MSD) Derya Hanaye qisey kerde û dîyar kerde ke pêvînayîş bi hawayo pozîtîf derbaz bîyo û mîyanê talebanê yewin de şinasnayîşê xoserîya demokratîke esto û kesê ke xo pêrodayîşê rejîmê Sûrîye ra miqate kenî estî.

	 

	Deryaye destpêkê qiseykerdişê xo de va ‘Reya yewino ke bi muxatabê problemî ra pêvînayîş yeno kerdiş’ û wina dewam kerde: “Verê cû zî ameyêne vatiş, eke Sûrîye de çareserî bibo, do mabenê Sûrîye de pê bêro. Badê pêrodayîşê 8 serran muxataban reyde pêvînayîş ame kerdiş. Serê nameyê MSDyî de şarê Vakurê Sûrîye, suryanî, ereb û kurdî tewrê pêvînayîşî bîyî. No gamê hukmatê Sûrîye pozîtîf yeno dîyiş. Qerarê awankerdişê komîteyan û serê berê gumrîkî de awankerdişê komîteyêk ame girewtiş.”

	 

	'Hêzê ke muzakere nêwazenî estî'

	 

	Deryaye dewamê qiseykerdişê xo de bale ante awankerdişê komîteyan ser û wina domnaye: “Komîteyê ke bêrî awankerdiş do qerarê ortax bigîrî. MSD do pêvînayîşan de qezencanê 8 serran bipawo. Pêvînayîş nîşaneya tesîrê têkoşînî yo. tay hêzê hegemonîk yê mîyanneteweyî muzakere nêwazenî. Seba astengkerdişê muzakereyan çina destê înan ra bêro do bikerî. la çareserîya problemî girêdayeyê ma ya. Bi raybazanê raştan do problemî bêrî çareserkerdiş.”