Dewijî awa varanî yê bîrî xebitnenê 

2018-08-06 11:47:33


	 

	MÊRDÎN - Dewijê Çaleyî yê mintiqaya Omeryanê Nisêbînî, pêwa awa ke antê keyeyê înan, adetê xo yê verê awa bîrî dewam kenê.

	 

	Dewijê Çaleyî yê mintiqaya Omeryanê Nisêbînê yê Mêrdînî, serra 1980 ra heta nika awa bîrî xebitnenê. Dewijî nê adetê xo dewam kenê, vera awa ke antê keyeyê înan, seba lazimîyê xo awe bîr ra ancenê.

	 

	'Awa bîrî tewr baş a'

	 

	Selma Akbudake dîyar kerde ke awa bîrî tewr baş a û va baxçeyê her keyeyî de ya zî verê berî de bîrêke esto û wina va: "Maye û pîyê ma nê bîran adayî. O wext îmkanî kêm bîyê. Îmkanê antişê awe çinbî. Înan zî bîran dayê a

	 Seba ke dewe serê qil de ya, her baxçeyê keyeyêke de bîr ameyo adayîş. Awe amî keyan la ma bîranê xo nêgirewtî."

	 

	Pak û tewr baş a

	 

	Selmaye arde ziwan ke aşmê wisar û zimistanî de bîrî bi awa varanî pirr benê û wina va: "Ma awe seba baxçeyo xo zî xebitnenê. Awa bîrî zaf pak a. Ma do nê adetê xo heta peynî bimeşnê.”