Vera zayendperestî sere wedarnena  

2018-08-05 12:52:34


	 

	
		DÊRSIM - Gulşen Temura ke bi 12 serre solan boyax kena, seba kesê ke vera hemver karê aye matmayî manenê zî wina va: "Çîyêke merdim matmayî bimanê çin o. Mi va ez zî eşkena bikerê û mi kerd. Heme no yo."
	
		 
	
		Dêrsim de cinîya bi nameyê Gulşen Temure kuçeyê tewr qerebalix bi 12 serre bi boyaxkerdiş solan debara xo kena. Bi no hawayî vera zayendperestî zî sere wedarnena. Gulşene sey ‘boyaxwan Gulî’ yena naskerdiş. Gulşene dîyar kerde ke wextê newe dest bi nê karî kerda her kes matmayî mendê û balkêş vînayî, la dima ra musaya.
	
		 
	
		'Babeta vatişê debar a, merdim eşkenê her karî de bixebityê'
	
		 
	
		Gulşene da zanayîş ke babeta vatişê debar a û merdimî eşkenê her karî de bixebityê û wina vatî: “Mi zî dest bi no kar kerd. Ez debara xo wina kena. Ez pêşnîyarê heme betalan kena. Bi taybetî zî cinîyan. Seba xeylê cinîyê wazenê bixebityê estê. Kar kar o. Her kes eşkeno no karî bikero.”
	
		 
	
		'Roj de 8 saetan xebityena'
	
		 
	
		Gulşene eynî wextî de arde ziwan ke xeylê karê xo ra hes kena û wina va: “Bêguman hetê zehmetî zî estê. Ez serê siba saete 08.00an de wirzena û şan de heta 16.00, 17.00an xebityena. Ez zaf karê xo ra hes kena."
	
		 
	
		Gulşene va kesê ke aye vînenê û va karê bi nê rengî hûmara cinîyê ke xebityenê zî zêde keno. Heto bîn ra da zanayîş ke vera beşê kar yê zayendperestî ganî têkoşîn bêro dayîş û têkoşîn şerto esas o.