Hepisxaneyê Bakirkoyî de tuberkuloz vila beno 

2018-08-04 12:40:45


	 

	STENBOL - Edîtora rojnameyê Ozgurlukçu Demokrasî ke bi KHK ame padayîş Hîcran Urune dîyar kerde ke netîceyê testî ke koxuşe înan de ameyo kerdiş de 5 hepsîyan dir vîrusê tuberkulozî ameyo tespîtkerdiş.

	 

	Edîtora rojnameyê Ozgurlukçu Demokrasî ke bi KHK ame padayîş Hîcran Urune mektuba ke Hepisxaneyê Bakirkoyê Cinîyan yê Stenbolî eşrawita de şert û mercê hepisxaneyî qalî kerde.

	 

	Hîcrane bale ante ser nêweşîya tuberkulozî (werem) ya Sureyya Bulute û va testê ke koxuşe de ameyê kerdiş de vîrus bi 5 cinîyê bînan dir zî ameyo vînayîş û va seba netîceyê testî bêrê musayîş waştişname dayê la cewabê ci nêgirewtê.

	 

	'Hepisxane prosesê testî bi zanabîyayîş derg keno'

	 

	Hîcrane dewamê nameyê xo de wina va: "Di aşmî verê embazama koxuşe Sureyya Bulute 6 rojan gonî virite û netîceyê israrê ma de berdî nêweşxane û ma musayî ke nêweşîya tuberkulozî kewta. Na nêweşîye bi rayîrê helmî derbazê kesê bînan zî bena. Di aşmî verê hûmara ma serê 30 de bî. Vera ke test rew biameyne kerdiş no proses newe netîce bi. Goreyê nê beno ke 5 embazanê ma bînan dir vîrus bibo. La seba netîceyê qetî ganî testo newe bêro kerdiş. La nîno zanayîş ke do key bêro kerdiş. Hepisxane prosesê testî bi zanayîş derg kenê. Ma waştişname da la hema cewab nêameyo dayîş."

	 

	'Wa peynî caardişê kêfî bîyarê'

	 

	Hîcarane tewr peyîn qiseykerdişê xo de wina va: "Sazgehê Tipê Edlî problemê nêweşan çareser nêkeno. Koxuşe ma de 5 nêweşê bîn zî estê. Ganî bilezginînî peynî bidê nê caardişan."