Koyê Şengalî de vîrardişê 4in serrgera qirkerdişî 

2018-08-03 14:28:08


	 

	MERKEZÊ XEBERAN - Çalakîyê vîradişê yê 4in serrgera Qirkerdişê Şengalî yê hetê DAIŞî ra ame kerdiş, bi rayşîyayîşêke meşaleyîn Koyê Şengalî de dest pêkerd.

	 

	Çalakîyê vîrardişê yê 4in serrgera Qirkerdişê Şengalî hetê DAIŞî ra ame kerdiş dest pêkerdî. Bi rayberîya Yewîya Ciwanê Êzidî (YCÊ) vizîr şan de warê Serdest yê mintiqaya Amûdî yê Koyê Şengalî de rayşîyayîşêke meşaleyîn ame kerdiş. Ciwanan beyraqê YBŞ û YJŞî kerdî destê xo û bi saetan meşyayî, bêmabên sloganê “Bicuyo Xoverdayîşê Şengalî” berz kerdî û fermanê serê Êzidiyan şermezar kerdî.

	 

	Saetê serê siba de, bi seyan kesî verê şaredarîya mintiqaya Serdest kom bî û heta Meclîsê Şengalî yê Xoserê Demokratîk meşyayî. Parlamenterê Partîya Demokratîke ya Şaran (HDP) yê Êlihî Feleknas Uca, eşrawitoxê Xirîstiyan, Asûr û Keldanî yê seba îlankerdişê Meclîsê Pêroyî yê Şengalî ameyî mintiqa, beşdarê vîrardişî bî.