Leylaya ke karê xo ra amey îxraçkerdiş, dikanê vilikan akerde 

2018-08-03 12:55:08


	 

	RIHA - Cinîyê ke bi KHKyan hewl yeno dayîş ke hepsê keyeyî bêrê kerdiş,.alternatîfê xo awan kenê û cuya xebate de têkoşînê bîyayîşî danê. Leyla Sezere zî bi komêke embazanê xo dir vera zîhnîyetê ‘şima kar ra ameyî eştiş keyeyê xo de roşê' bêveng nêmendî û nika yewin dikanê vilikan ê cinîyan yê Rihayî danê xebitnayîş.

	 

	Verfeka Platformê Şubeyê Rihayî yê Konfederasyonê Sendîkayê Kedkarê Îstîmlakî (KESK) Leyla Sezere yew cinîyê ke bi KHK amî îxrackerdiş û hewl da teberê warê kar de bêrê verdayîş. Leyla eynî wextî de bi têkoşînê vera tedayê komelî dayê zî yenê zanayîş.

	 

	'Mi reyke de nêzanayne se bikerî'

	 

	Leyla prosesê îxrackerdişî sey ‘travma’ bi name kerd û va dimayê ke betal mende kewta endîşeyê ekonomî û wina va: "Seba keyeyê mi, domanê mi estbî. Ez betal mendebîya. Dimayê betalî mi nêzanayne ke ez se bikerî. Mi va ez senîn serê lingan de vinderî."

	 

	Ma karêke serkewte bi dest kerd

	 

	Leyla da zanayîş ke bi embazanê xo yê ke ameyê îxrackerdiş ameyê têhet û pîya dikanê vilikan akerdê. Leyla wina dewam kerde: “Bi serran o mi taxan de xebat meşna. Çîyê ke mi ferq kerd o bi ke xeylê bazirganî camêrd bî. Mi va ez bi tena sereyê xo çîyêk bikerî. La vera ci ma û embazê xo yê cinî ameyî têhet û ma dikanê vilikan akerd. Ma waşt ke ma bimojnê cinî hetê ekonomî de serê linganê xo de vinderê."

	 

	'Ma zîhnîyetê ke 'keye de roşê' qebul nêkerd'

	 

	Leyla tewr peyîn qiseykerdişê xo de bale ante serê zîhniyetê ‘şima karê xo ra ameyê eştiş, keye de roşê' û da zanayîş ke ê rastê tedayê wina ameyê û va no zîhnîyet qebûl nêkerd, bi di serre yo dikanê înan akerdeyo û eynî wextî de zî xebatê sendîkal meşnenê.