Pereyê hacetê keyeyê aye ke ame rijnayîş nêame dayîş 

2018-08-02 11:34:21


	 

	ŞIRNEX - Nebîha Akaya ke seba zirarê hacetê keyeyê xo ke qedexeyê tebervejîyayîşê kuçeyan ê Hezexî de ame rijnayîş tezmîn bikera muracatê Ofîsê Îrtîbatê TOKÎ da û va: "Mi ra vatî ‘dosya to dozgerî de esta. Heta emnîyet destûr nêdo ma nêeşkenê pereyê hacetan bidê’.”

	 

	Serêyê qedexeyê tebervejîyayîşê kuçeyan de Şirnex, Sîlopî, Hezex û Cizîre de 3 serre derbaz bi. No prosesê de bi deshezaran keyeyî ameyî rijnayîş û bi desan taxî ameyî serûbinkerdiş. Vera keyeyê ke ameyî rijnayîş zî hetê TOKÎ ra awanî ameyî viraştiş.

	 

	Hezex de Nebîha Akaya 60 serrî ke qedexeyan de keyeyê aye ame rijnayîş, seba pereyê hacetê keyeyê xo ra bigîra dewa akerd la bi hîrê serre yo nêeşkena bigîra.

	 

	Cayê keyeyê mi de awanî ameyî viraştiş

	 

	Nebîhaye arde ziwan ke Taxê Yenîmahale û Turgut Ozal vera keyeyê ke ameyê rijnayîş awanî ameyê viraştiş û va hema seba awanî îmza nêeştê û va pêwa destê înan de tapuyê înan estê, qerar tasdîq nêkerdê zî vera keyeyê înan ê 3 kat awanî viraştê.

	 

	Koçberîyê 1993 ra heta nika dewam keno

	 

	Nebîhaye dewamê qiseykerdişê xo de wina va: "Ma 1993an de ma dewa xo ra ameyî vetiş. Ma ameyî dewêke xeta sînor de bi ca bî. Ma 6 serre yo tîyayê û dima ra ma ameyî Hezex. Keyeyê ke ma bi keda xo viraşt rijnayî. Qedexe de keyeyê ma 3 qat rijnayî. Zerre de çîyêk nêverdayî.

	 

	Aşmêk û nîm hepisxane de mende

	 

	Nebîhaye da zanayîş ke dimayê qedexeyî bi îdiaya endamîyê rêxistine ameya tepiştiş û aşmêk û nîm hepisxane de menda û va: "Ez cinîyêke 60 serrî ya. Ez dimayê qedexeyî kewta hepisxane. Gelo dewlete çira cinîyêke 60 serrî ra tersena. Seba ke ez zirarê hacetê xo bigîrî mi muracatê Ofîsê Îrtîbatê TOKÎ da. La vatî ‘dosya şima emnîyet de ya. Heta nê destûrî nêdê ma pere nêdanê'. Dimayê qedexeyî 3 serrî derbaz bi. Her kesî vera keyeyê xo girewt. La mi tu çîyêk nêgirewt. Ez heta dozgerîya Şirnexî zî şîya la eynî cewab dayî mi. La ma do taxa xo zî û keyeyê xo zî bigîrê.”