
Xoverdekarê qetlîamê Qamişlo ameyî yadkerdiş 

2018-07-28 11:24:40


	&nbsp;

	QAMIŞLO - Bajarê Qamişlo de serrgêra 2. ya şehadetê 62 xoverdekarê Qetlîamê Qamişlo cayê qetlîamî de bi merasîmêk ameyî yadkerdiş.&nbsp;

	&nbsp;

	Di serrî verê cu bajarê Qamişlo rayirê Amudî serê de vera Asayîşê Xerbî de saet 09.25î de bi kamyonêk bombebarkerde qetlîam pê ame. Netîceyê qetlîamî de 62 kesî cuya xo vînî kerdbî û zêdeyê 176 kesî zî birîndar bîbî. Meclîsê Keyeyê Şehîdan serrgêra 2. ya qetlîamî de taxa Xerbî ya cayê teqayîşî de saet 18.00î de merasîmê vîrardişî pê ardî û şehîdê qetlîamî ameyî yadkerdiş.

	&nbsp;

	Bi seyan hemwelatîyê Qamişlo û dewijê dormeyê bajarî dikananê xo padayî û tewrê merasîmî bîyî. Keyeyê şehîdan bi fotografanê şehîdê Qamişlo tewrê merasîmê yadkerdişî bîyî. Cayê hedîse de fotografê 62 xoverdekaran, yê Rayber Abdullah Ocalan û beyraqa TEV-DEMî ameyî daliqnayîş.

	&nbsp;

	Rêzgirewtiş ame girewtiş

	&nbsp;

	Merasîmê vîrardişî de seba kesê ke têkoşînê azadîye de cuya xo vînî kerdî deqayêk rêzgirewtiş ame girewtiş. Dima ra Endamê Kantonê Qamişlo Fatma Tahîr, Endamê Meclîsê Keyeyê Şehîdan yê Bajarê Qamişlo Elî Omer, hemwelatîyê bi nameyê Raman Hesê, Hesen Hesenî û şaîr Abdulqadir Kurdî qisey kerdî û qetlîamî şermizar kerdî.

	&nbsp;

	Keyeyanê şehîdan rê serweşî waşt

	&nbsp;

	Elî Omarî şexsê 62 xoverdekaranê qetlîamê bajarê Qamişlo de heme xoverdekaranê Kurdistanî vîr ard û heme keyeyanê şehîdan rê serweşî waşt.

	&nbsp;

	Heta şilka gonîya xo ya peyên

	&nbsp;

	Endamê Kantonê Qamişlo Fatma Tahîre qiseykerdişê xo de qetlîamî şermizar kerde û wina va: “Hedîseyê winasî tu rey îradeya şarê ma nêşiknenî. Dişmenê wexşî nêresayî hedefê xo. Vera heme hêrişan de ma fek herra xo ra vera nêdayî. Ma do heta şilka gonîya xo ya peyên xover bidî û heqê xo biwazî.”

	&nbsp;

	Pedîyayîşê merasîmî de 62 mumî ameyî tafînayîş û fotografê şehîdan teslîmê merdimanê înan ameyî kerdiş.&nbsp;