Seba komelî benê çimeyê kede vînayene 

2018-07-24 10:37:30


	 

	Dîlber Mihemed

	 

	SERÊKANIYÊ - Cinîyê Rojawanê Kurdistanî seba ekonomîya xo gur bikerê, bi hawayêke çalak mîyanê xebatê Baxçeyê Rojawan de cayê xo gênê û seba komelî benê çimeyê kedêke vînayene.

	 

	Bajarê Sêrêkanîyê Rojawanê Kurdistanî bi projeyê newe xeylê warê xebate de bi hêz û îradeyê xo yê azad cayê xo gênê. Nê cayê ke cinî bi hawayêke çalak ci xebityenê yew zî Baxçeyê Rojawano ke serra 2015an de hetê Komîteyê Ekonomî Kongreya Star amî awankerdiş a.

	 

	Kedkara Baxçeyê Rojawanî Fida Şebelî da zanayîş ke wexto ke aye xebityena bextewar bena û va: "Karê ke Baxçeyê Rojawan de yenê kerdiş di beş ê. Beşêke seba zebzeyê zimistanî yê, yo bîn zî seba zebzeyen sey balîcan, îsot, firîngiyan o. Ma her siba e. Em her siba saete hewtê sibayî de dest bi kar kenê û heta saet di yê nîmeroc karê me dewam keno. Pêwa ke ma warê ardişê derman û bizir de zehmetî ancenê zî reyna ma karê xo dewam kenê. Ma rincan benê la reyna ma kêfweş ê ke ma xebityenê û serê linganê xo de vindenê."

	 

	'Ma cuyake komînal ciwîyenê'

	 

	Fidaye da zanayîş ke wexto ke Baxçeyê Rojawanî de xebityena, cuyake komînal cuwîyenê û qiseykerdişê xo wina qedêna: "Seba ke ma mîyanê şertê têduşt de xebata xo kenê ma zaf kêfweş ê. Ma wazenê Baxçeyê Rojawanî tewr pîl bibo û xebata ma ya na tewir dewam bikera."