Sabrîye Koçer: Domanê mi verê ke tedawî bibo ame girewtiş  

2018-07-23 13:41:56


	 

	STENBOL - Sabrîye Koçera ke seba lajê aye Îbrahîm Koçer tedawî bibo têkoşîn kena dîyar kerde ke lajê aye prosesê ke şîne nêweşxane mecbûr mendêne serê kartonan rako û va seba ke tedawîyê lajê aye nêqedîyayo û ameyo tepiştiş xeylê hêrs bîya. Sabrîye va: "Seba lajê mi tedawî bibo ez zaf nêweşxaneyan geyraya la înan lajê mi kerdî hepisxaneyî. Vengê mi biewşnê."

	 

	Sabrîye Koçere 55 serre yo ke seba 9 domananê xo pîl bikera têkoşînêke pîl da.  Sabrîye derûdorê xo de zaf yena heskerdiş û nê rojan seba lajê xo yê hepsî mîyanê têkoşînêke pîl de ya. Çunke lajê aye Îbrahîm Koçer Çorlu de qeza derbaz kerd û verê ke tedawîyê ey biqedyo ame tepiştiş. Îbrahîm verê ke tedawîyê ey temam bibo ey eşrawitî 5in Hepisxaneyê Silivrî. 

	 

	'Serê kartonan ez hêvîya lajê xo menda ke şîyar bibo'

	 

	Sabrîye arde ziwan ke lajê aye bi îdiayê ke beşdarê çalakîya ke 2015an de Êlih de wextê qedexeyê tebervejîyayîşê kuçeyan de virazya, bîyo ameyo tepiştiş û va: "Domanê mi seba ke  Çorlu de qeza derbaz kerd, Nêweşxaneyê Dewlete yê Çorlu de ameyne tedawîkerdiş. Ez nêweşxaneyê serê kursiyan, serê kartonan de hêvîye domanê xo bîya ke şîyar bibo. La verê ke tedawîyê ey biqedîyo ey eşrawitî hepisxane."

	 

	Dimayê ke Îbrahîm berê Edliyeya Çorluyî bi sebebê "cezaya ey ameya tesdîqkerdiş" ey eşrawitî 5in Hepisxaneyê Silîvrî. Îbrahîm dir nêweşîya astim bronşît, nêweşîya rîtîmê qelbî, felc esto."

	 

	'Vengê mi bieşnawê'

	 

	Sabrîye arde ziwan ke lazimîyê bingehîn yê Îbrahîmî nêdanê û va: "Seba lajê mi tedawî bibo ez xeylê nêweşxaneyan geyreya la înan lajê mi kerd hepisxane. Vengê mi bieşnawê."