Dozgerîye endamîya rêxistine rê delîl dî: Fotografê verê adir de ameyê antiş 

2018-07-21 12:53:54


	 

	ŞIRNEX- Derheqê Tuba Emînogluya ke bodrumê Cizîre de amî qetilkerdiş de keyeyê aye muracatê sucî kerdbi û cigêrayîşo ke ame destpêkerdiş de fotografê Tubaye verê adir de ameyo antiş û tarîxê fotografî dîyar nîyo sey ‘endamîya rêxistine’ mojnayî ra û qerarê bêtaqîbkerdiş dayî.

	 

	Cizîre yê Şirnexî 14ê Kanûna 2015 de qedexeyê tebervejîyayîşê kuçeyan ame îlankerdiş û dimayê pêrodayîşan de bi seyan kesî ameyî qetilkerdiş. Bodrumê Cizîre de 200î ra tewr zêde merdimî ameyî qetilkerdiş û cigêrayîşê derheqê bodruman de ame destpêkerdiş zî bi qerarê bi sebeb yê çend rîpelan bi bêtaqîbkerdişî netîce bi û ame wedartiş.

	 

	Yew nê dosyayan ra qerarê bêtaqîbkerdişî ame dayîş zî dosyaya wendekara unîversîteye Tuba Emînoglu ya Êlih ra bî. Seba dosya îfadeyê di şahidan û fotografêke aye sey delîl ame mojnarayîş û qerarê bêtaqîbkerdişî ame dayîş. Hetê serdozgerîya Komara ya Cizîre ra qerarê lazimî bi cigêrayîş çin o ame dayîş û derheqê merdişê aye ra zî raporê cigêrayîşê keyeyî mîyanê roje de ca gêno. Dosyaya 300 rupelî de tena 10 rupîlen de zanayîşê derheqê Tuba de ca gênê.

	 

	Falîyetê DEM-GENÇî sûc ê!

	 

	Roja cenaza ke ameya vînayîş, raporê otopsî û ruhsatê definkerdişî çend rîpelan de ca girewt û heme rîpelan de ca dayî falîyetê DEM-GENÇ û parekerdişê çapemenîya komelî ya Tubaye. 

	 

	Dosya de yena vatiş ke 10ê Sibata 2016 de kuçeyê Nîranî yê taxa Cudî awanîya hûmara 7 (C-3158) de cigêrayîş de 8 cenaze ameyê vînayîş û xêrcê ci zî pêroyî de 12 cenaze bi wesayîtê zirxî berdê nêweşxane. Mîyanê nê cezaneyan de yew pêroyî amebî veşnayîş û nimûneyê gonî nêamebî girewtiş û aîdê Tuba Emînoglu bî.

	 

	Goristanê bêkesan de amî definkerdiş

	 

	Netîceyê otopsî ke serê cenazeya Tubaye de ame kerdiş qeydan de ame vatiş ke sebebê merdişê aye dîyar nîyo û giranîyê sêneyê aye bedenê mendib ame nuştiş. Tuba dimayê otopsî goristanê bêkesan de Berê Sînor yê Xaburî de amî definkerdiş û dimayê nimûneyê DNYî yê pîyê aye berdî Êlih û definkerdî.

	 

	Dosya de ameyne vatiş ke wexto ke cenaze keye de bîya qertêke de ameyo vînayîş fotografê Tuba Emînoglu yê verê adirî de vinderta esto. Fotografo ke nêzanê key ameyo antiş, delîlê ‘endamîya rêxistine’ ame hesibnayîş.